രാഹുല് മാങ്കൂട്ടത്തിലിന്റെ അറസ്റ്റ് തടഞ്ഞത് നീട്ടി, അതിജീവിതയെ കോടതി കക്ഷി ചേര്ത്തു
ബലാത്സംഗക്കേസില് രാഹുല് മാങ്കൂട്ടത്തില് എംഎല്എയുടെ അറസ്റ്റ് വിലക്ക് ഹൈക്കോടതി നീട്ടി. രാഹുല് മാങ്കൂട്ടത്തിലിന്റെ അറസ്റ്റ് തടഞ്ഞ നടപടി ഈ മാസം 21 വരെയാണ് ഹൈക്കോടതി നീട്ടിയത്.മുന്കൂര് ജാമ്യാപേക്ഷയില് അതിജീവിതയെ കോടതി കക്ഷി ചേര്ത്തു. മുന്കൂര് ജാമ്യാപേക്ഷയെ എതിര്ത്ത് കക്ഷി ചേരാനുള്ള അതിജീവിതയുടെ അപേക്ഷ ജസ്റ്റിസ് എ ബദറുദ്ദീന് അധ്യക്ഷനായ സിംഗിള് ബെഞ്ച് അംഗീകരിക്കുകയായിരുന്നു. മുന്കൂര് ജാമ്യം നല്കരുതെന്ന് ആവശ്യപ്പെട്ട് അതിജീവിത മറുപടി സത്യവാങ്മൂലം നല്കും. മറുപടി സത്യവാങ്മൂലം നല്കാന് ഹൈക്കോടതി രണ്ടാഴ്ച സമയം നല്കിയിട്ടുണ്ട്.