ലൈംഗിക പീഡന പരാതി; രാഹുല് മാങ്കൂട്ടത്തിലിനെതിരെ കേസെടുത്തു
ലൈംഗിക പീഡന പരാതിയില് പാലക്കാട് എംഎല്എ രാഹുല് മാങ്കൂട്ടത്തിലിനെതിരെ പൊലീസ് കേസെടുത്തു. തിരുവനന്തപുരം വലിയമല പൊലീസ് സ്റ്റേഷനിലാണ് എഫ്ഐആർ രജിസ്റ്റർ ചെയ്തത്.വിവാഹ വാഗ്ദാനം നല്കി പീഡിപ്പിച്ചു, നിർബന്ധിച്ച് ഗർഭഛിദ്രം നടത്തി എന്നീ കുറ്റങ്ങളാണ് രാഹുല് മാങ്കൂട്ടത്തിലിനെതിരെ ചുമത്തിയിരിക്കുന്നത്. കേസ് പിന്നീട് നേമം പൊലീസ് സ്റ്റേഷനിലേക്ക് കൈമാറും. തിരുവനന്തപുരം റൂറല് എസ് പിക്കാണ് കേസിൻ്റെ അന്വേഷണ ചുമതല. കേസില് പരാതിക്കാരിയായ അതിജീവിതയുടെ മൊഴി ഇന്നലെ രാത്രി രേഖപ്പെടുത്തിയിരുന്നു. ഡിജിറ്റല് തെളിവുകളും മെഡിക്കല് രേഖകളും യുവതി പൊലീസിന് കൈമാറിയിട്ടുണ്ട്.