ബംഗാള് ഉള്ക്കടലിന് മുകളില് ചക്രവാതച്ചുഴി; വരാൻ പോകുന്നത് ഇടി മിന്നലോടുകൂടിയ ശക്തമായ മഴ
സംസ്ഥാനത്ത് ഇന്ന് ശക്തമായ മഴയ്ക്ക് സാദ്ധ്യത. നാല് ജില്ലകളില് യെല്ലോ അലർട്ട് പ്രഖ്യാപിച്ചു.കോട്ടയം, എറണാകുളം, തൃശൂർ, കാസർകോട് ജില്ലകളിലാണ് യെല്ലോ അലർട്ട്. ഒറ്റപ്പെട്ട ശക്തമായ മഴയ്ക്കുള്ള സാദ്ധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലീമീറ്റർ മുതല് 115.5 മില്ലീമീറ്റർ വരെ മഴ ലഭിക്കുമെന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.
അടുത്ത മൂന്ന് മണിക്കൂറില് എല്ലാ ജില്ലകളിലും ഒറ്റപ്പെട്ടയിടങ്ങളില് നേരിയ മഴയ്ക്ക് സാദ്ധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. മദ്ധ്യ ബംഗാള് ഉള്ക്കടലിന് മുകളില് ഉയർന്ന ലെവലില് ചക്രവാതച്ചുഴി ഉണ്ട്. നാളെയോടെ ഇത് മദ്ധ്യ പടിഞ്ഞാറൻ ബംഗാള് ഉള്ക്കടലിനും വടക്ക് പടിഞ്ഞാറൻ ബംഗാള് ഉള്ക്കടലിനും മുകളിലായി ന്യൂനമർദ്ദമായി ശക്തി പ്രാപിച്ചേക്കാം. തുടർന്നുള്ള 48 മണിക്കൂറില് വീണ്ടും ശക്തി പ്രാപിക്കാൻ സാദ്ധ്യതയുണ്ട്.