കണ്ണൂരും വയനാടും ഉള്പ്പെടെ അഞ്ച് ജില്ലകളില് യെല്ലോ അലര്ട്ട്; സംസ്ഥാനത്ത് വീണ്ടും മഴ ശക്തമാകുന്നു
സംസ്ഥാനത്ത് അടുത്ത അഞ്ച് ദിവസം മഴ സാധ്യതയെന്ന് കേന്ദ്ര കാലാവസ്ഥ വകുപ്പ്.ഇത് പ്രകാരം വിവിധ ജില്ലകളില് യെല്ലോ അലർട്ട് പ്രഖ്യാപിച്ചിട്ടുണ്ട്. ഇന്ന് പത്തനംതിട്ട, ഇടുക്കി, മലപ്പുറം, വയനാട്, കണ്ണൂർ ജില്ലകളിലാണ് യെല്ലോ അലർട്ട് പ്രഖ്യാപിച്ചിട്ടുള്ളത്. നാളെ മലപ്പുറം, കോഴിക്കോട്, വയനാട്, കണ്ണൂർ ജില്ലകളിലും മുന്നറിയിപ്പുണ്ട്.
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റർ മുതല് 115.5 മില്ലിമീറ്റർ വരെ മഴ ലഭിക്കുന്ന സാഹചര്യമാണുള്ളത്. അതേസമയം കേരള- കർണാടക – ലക്ഷദ്വീപ് തീരങ്ങളില് ഇന്ന് മത്സ്യബന്ധനത്തിന് പോകാൻ പാടില്ലെന്നും കേന്ദ്ര കാലാവസ്ഥ വകുപ്പ് അറിയിച്ചു. മണിക്കൂറില് 35 മുതല് 45 കിലോമീറ്റർ വരെയും ചില അവസരങ്ങളില് 55 കിലോമീറ്റർ വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നാണ് പ്രവചനം.
മത്സ്യത്തൊഴിലാളി ജാഗ്രത നിർദേശം: കേരള- കർണാടക – ലക്ഷദ്വീപ് തീരങ്ങളില് ഇന്ന് (09/10/2025) മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.
09/10/2025: കേരള- കർണാടക – ലക്ഷദ്വീപ് തീരങ്ങളില് മണിക്കൂറില് 35 മുതല് 45 കിലോമീറ്റർ വരെയും ചില അവസരങ്ങളില് 55 കിലോമീറ്റർ വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
പ്രത്യേക ജാഗ്രത നിർദേശം: 09/10/2025 & 10/10/2025: തെക്കൻ തമിഴ്നാട് തീരം, ഗള്ഫ് ഓഫ് മന്നാർ, അതിനോട് ചേർന്ന കന്യാകുമാരി പ്രദേശം, മധ്യ പടിഞ്ഞാറൻ അറബിക്കടല് അതിനോട് ചേർന്ന വടക്കു പടിഞ്ഞാറൻ അറബിക്കടല് എന്നിവിടങ്ങളില് മണിക്കൂറില് 35 മുതല് 45 കിലോമീറ്റർ വരെയും ചില അവസരങ്ങളില് 55 കിലോമീറ്റർ വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത. മേല്പ്പറഞ്ഞ തീയതികളില് ഈ പ്രദേശങ്ങളില് മത്സ്യബന്ധനത്തിന് പോകാൻ പാടുള്ളതല്ല