നവംബര്‍ മാസത്തെ റേഷന്‍ ഇന്ന് കൂടി: നാളെ റേഷന്‍ കടകള്‍ക്ക് അവധി
നവംബര്‍ മാസത്തെ റേഷന്‍ ഇന്ന് കൂടി ലഭിക്കുമെന്ന് ഭക്ഷ്യ പൊതു വിതരണ വകുപ്പ് അറിയിച്ചു. മാസാന്ത്യ കണക്കെടുപ്പുമായി ബന്ധപ്പെട്ട് നാളെ റേഷന്‍ കടകള്‍ക്ക് അവധി ആയിരിക്കും. ഡിസംബര്‍ മാസത്തെ റേഷന്‍ ഈ മാസം അഞ്ച് മുതല്‍ വിതരണം ചെയ്ത് തുടങ്ങും. നീല കാര്‍ഡുകാര്‍ക്ക് മൂന്ന് കിലോ അരിയും വെള്ള കാര്‍ഡുകാര്‍ക്ക് അഞ്ച് കിലോ അരിയും 10.90 രൂപ നിരക്കില്‍ ലഭിക്കുമെന്നും സംസ്ഥാന സിവില്‍ സപ്ലൈസ് വകുപ്പ് അറിയിച്ചു.
