നവംബർ മാസത്തെ റേഷൻ വിതരണം ഡിസംബർ 3 വരെ നീട്ടി
തിരുവനന്തപുരം: സംസ്ഥാനത്ത് നവംബർ മാസത്തെ റേഷൻ വിതരണം ഡിസംബർ മൂന്നിന് വൈകിട്ട് ഏഴ് മണി വരെ നീട്ടിയതായി മന്ത്രി ജി ആർ അനിൽ അറിയിച്ചു. നിലവിലെ ഷെഡ്യൂൾ 3 വരെ തുടരും. മാസാവസാനം സെർവർ തകരാർ മൂലം ഇ-പോസ് മെഷീന്‍റെ പ്രവർത്തനം തടസ്സപ്പെടുകയും ഇതുമൂലം പലർക്കും റേഷൻ വാങ്ങാൻ കഴിയാതെ വരികയും ചെയ്തിരുന്നു.
ഇതിനെതിരെ വ്യാപാരികളും ഗുണഭോക്താക്കളും പ്രതിഷേധിച്ചിരുന്നു. പ്രശ്നം പരിഹരിക്കുന്നതിനും റേഷൻ വിതരണം സുഗമമാക്കുന്നതിനുമായി ഭക്ഷ്യ പൊതുവിതരണ വകുപ്പ് റേഷൻ കടകളുടെ സമയക്രമം പരിഷ്കരിച്ചിരുന്നു.
