ആഗോള അയ്യപ്പ സംഗമത്തിന് ഒരുങ്ങി പമ്ബാ തീരം, നാളെ മുഖ്യമന്ത്രി പിണറായി വിജയന് ഉദ്ഘാടനം നിര്വ്വഹിക്കും
ആഗോള അയ്യപ്പ സംഗമത്തിന് ഒരുങ്ങി പമ്ബാ തീരം. നാളെ മുഖ്യമന്ത്രി പിണറായി വിജയന് ഉദ്ഘാടനം നിര്വ്വഹിക്കും. സഹകരണ-തുറമുഖ-ദേവസ്വം വകുപ്പ് മന്ത്രി വി.എന്. വാസവന് അധ്യക്ഷനാകും. വിവിധ സംസ്ഥാനങ്ങളില് നിന്നുള്ള മന്ത്രിമാര്, സംസ്ഥാന മന്ത്രിമാര്, ജനപ്രതിനിധികള്, സാമുഹ്യ, സാംസ്കാരിക രംഗത്തെ പ്രമുഖര്, വിവിധ സംഘടനാപ്രതിനിധികള് തുടങ്ങിയവര് പങ്കെടുക്കും.മൂന്ന് പ്രധാന കേന്ദ്രങ്ങളില് പരിസ്ഥിതിക്ക് ദോഷം വരാത്ത രീതിയില് ജര്മന് ഹാങ്ങര് പന്തല് തയ്യാറായി. പമ്ബ മണപ്പുറത്തെ 43,000 ചതുരശ്രയടിയുള്ള പ്രധാന വേദിയിലാണ് ഉദ്ഘാടന, സമാപന സമ്മേളനം.
വിവിധ രാജ്യങ്ങളില് നിന്നുള്പ്പെടെ 3000 പ്രതിനിധികള്ക്ക് ഇവിടെയാണ് ഇരിപ്പിടം. തറനിരപ്പില് നിന്ന് നാലടി ഉയരത്തില് 2400 ചതുരശ്രയടിയിലാണ് സ്റ്റേജ്. ഇതിനോട് ചേര്ന്ന് ഗ്രീന് റൂമുമുണ്ട്. മീഡിയ റൂമുള്പ്പെടെ പ്രധാന വേദിയോട് ചേര്ന്നാണ്.
പമ്ബയുടെ പവിത്രത കാത്തുസൂക്ഷിച്ച് മണപ്പുറത്തിന്റെ സ്വാഭാവിക ഘടനയ്ക്ക് ദോഷം വരാതെ പൂര്ണമായും ഹരിത ചട്ടം പാലിച്ചാണ് പന്തല് നിര്മിച്ചത്. തറയില് നിന്ന് ഒരടി ഉയരത്തില് പ്ലൈവുഡിലാണ് പ്ലാറ്റ്ഫോം.
ഹില്ടോപ്പില് രണ്ട് പന്തലുണ്ട്. പാനല് ചര്ച്ചയ്ക്കായി 4,500 ചരുരശ്രയടിയിലും ഭക്ഷണം കഴിക്കാനായി 7,000 ചതരുശ്രയടിയിലുമാണ് ഇവിടെ പന്തല്. പമ്ബ തീരത്തും ഭക്ഷണ സൗകര്യമുണ്ട്. ഇതിനായി 7,000 ചതുരശ്രയടിയില് ജര്മന് ഹാങ്ങര് പന്തല് നിര്മിച്ചിട്ടുണ്ട്.
കൂടാതെ തിരുവിതാംകൂര് ദേവസ്വം ബോര്ഡിന്റെ പ്ലാറ്റിനം ജൂബിലിയോടനുബന്ധിച്ച് പ്രദര്ശന മേള സംഘടിപ്പിക്കാനായി 2000 ചതുരശ്രയടിയില് മറ്റൊരു പന്തലുമുണ്ട്. ഇന്ഡ്യന് ഇന്സ്റ്റിറ്റ്യൂട്ട് ഓഫ് ഇന്ഫ്രാസ്ട്രക്ച്ചര് ആന്റ് കണ്സ്ട്രക്ഷനാണ് നിര്മാണ ചുമതല