ശബരിമല യുവതി പ്രവേശന വിഷയത്തില് നിർണ്ണായകമായ നിലപാട് മാറ്റവുമായി തിരുവിതാംകൂർ ദേവസ്വം
തിരുവനന്തപുരം: ശബരിമല യുവതി പ്രവേശന വിഷയത്തില് നിർണ്ണായകമായ നിലപാട് മാറ്റവുമായി തിരുവിതാംകൂർ ദേവസ്വം ബോർഡ്.ശബരിമലയില് ആചാരം സംരക്ഷിക്കണമെന്ന് ദേവസ്വം ബോർഡിന്റെ പുതിയ നിലപാട്.ബോര്ഡ് വിശ്വാസികള്ക്കൊപ്പമാണെന്നും ആചാരങ്ങള് സംരക്ഷിക്കണമെന്നതാണ് നിലപാടെന്നും പ്രസിഡന്റ് കെ ജയകുമാര് പറഞ്ഞു
നിലവിലുള്ള ഉത്തരവിനെതിരെയുള്ള നിലപാട് സുപ്രീംകോടതിയെ അറിയിക്കുമെന്നും അദ്ദേഹം പറഞ്ഞു. യുവതീപ്രവേശന വിധിയെ എതിർക്കാനും ആചാരാനുഷ്ഠാനങ്ങളും പാരമ്പര്യവും സംരക്ഷിക്കണമെന്ന നിലപാട് സുപ്രീം കോടതിയില് സ്വീകരിക്കാനും ഇന്ന് ചേർന്ന ദേവസ്വം ബോർഡ് യോഗം തീരുമാനിക്കുകയായിരുന്നു.
‘ശബരിമലയിലെ യുവതി പ്രവേശനവുമായി ബന്ധപ്പെട്ട കാര്യം ബോര്ഡ് വിശദമായി ചര്ച്ച ചെയ്തു. ശബരിമലയില് ആചാരങ്ങള് സംരക്ഷിക്കണമെന്നും ബോര്ഡിന് ആശയക്കുഴപ്പമില്ലെന്നും നിലവിലുള്ള ഉത്തരവിനെതിരെ സുപ്രീംകോടതിയില് ബോര്ഡ് നിലപാട് അറിയിക്കും വിധിയെ എതിര്ക്കും’ കെ ജയകുമാര് പറഞ്ഞു.
‘വിശ്വാസികള്ക്കൊപ്പമാണ് ബോര്ഡ്. ദേവസ്വം ബോര്ഡ് ഒരിക്കലും യുവതി പ്രവേശനത്തെ അനുകൂലിച്ചിട്ടില്ല. വ്യക്തികള് അനുകൂലിച്ചിട്ടുണ്ടാകാമെന്നും 2020ലേത് അഭിഭാഷകന്റെ നിലപാടാണ്’ കെ ജയകുമാര് പറഞ്ഞു.