ശബരിമല മണ്ഡല – മകരവിളക്ക് തീര്ഥാടനം: വെര്ച്വല് ക്യൂ ബുക്കിങ് ഇന്നുമുതല്
ശബരിമല മണ്ഡല-മകരവിളക്ക് തീര്ഥാടനത്തിന്റെ ഭാഗമായി ഭക്തര്ക്കുള്ള വെര്ച്വല് ക്യൂ ബുക്കിങ് ഇന്നു വൈകിട്ട് അഞ്ചുമണിക്ക് ആരംഭിക്കും.ഒരുദിവസം 70,000 ഭക്തര്ക്കാണ് സ്ലോട്ട് ബുക്ക് ചെയ്യാന് സാധിക്കുക. വണ്ടിപ്പെരിയാര് സത്രം, എരുമേലി, നിലയ്ക്കല്, പമ്ബ എന്നിവിടങ്ങളില് റിയല് ടൈം ബുക്കിങ് കേന്ദ്രങ്ങളുമുണ്ടാകും. ഒരു ദിവസം പരമാവധി ഇരുപതിനായിരം ഭക്തരെയാണ് ഇതുവഴി ദര്ശനത്തിന് അനുവദിക്കുക.sabarimalaonline.org എന്ന വെബ്സൈറ്റ് വഴിയാണ് ദർശനത്തിനുളള സ്ലോട്ട് ബുക്ക് ചെയ്യേണ്ടത്.
മണ്ഡല മകരവിളക്കു തീർഥാടനത്തിനായി ശബരിമല നട തുറക്കുന്നത് നവംബർ 16ന് വൈകിട്ട് 5ന് ആണ്. ഡിസംബർ 27ന് മണ്ഡല പൂജയ്ക്കു ശേഷം അന്നു രാത്രി നട അടയ്ക്കും. പിന്നീട് മകരവിളക്കിനായി ഡിസംബർ 30ന് വീണ്ടും തുറക്കും. 2026 ജനുവരി 14ന് ആണ് ഇത്തവണത്തെ മകരവിളക്ക്. തീർഥാടനം പൂർത്തിയാക്കി ജനുവരി 20ന് നട അടയ്ക്കും.