സ്കൂള് വാഹനങ്ങളില്‍ അറ്റന്റര്‍മാരുടെ ഉത്തരവാദിത്തങ്ങള്‍: വിശദീകരണ കുറിപ്പുമായി മോട്ടോര്‍ വാഹന വകുപ്പ്
തിരുവനന്തപുരം: സ്കൂള് വാഹനങ്ങളില്‍ അറ്റന്റര്‍മാരുടെ ഉത്തരവാദിത്തങ്ങള്‍ എന്തൊക്കെയാണെന്ന് വ്യക്തമാക്കി വിശദീകരണ കുറിപ്പുമായി മോട്ടോര്‍ വാഹന വകുപ്പ്.
ഫേസ്ബുക്കിലൂടെയാണ് മോട്ടോര്‍ വാഹന വകുപ്പ് അധികൃതര്‍ ഇക്കാര്യം വ്യക്തമാക്കിയിട്ടുള്ളത്.
സ്കൂള് വാഹനങ്ങളില്‍ അറ്റന്റര്‍മാരുടെ ഉത്തരവാദിത്തങ്ങള്‍
“`✳️.വാഹനത്തില്‍ യാത്ര ചെയ്യുന്ന കുട്ടികളുടെ പേരുവിവരങ്ങള്‍ അടങ്ങിയ ലിസ്റ്റ് സൂക്ഷിക്കുക.
✳️. ലിസ്റ്റ് പ്രകാരം എല്ലാ കുട്ടികളും വാഹനത്തില്‍ കയറി എന്നുറപ്പു വരുത്തുക.
✳️. വാഹനം സ്റ്റോപ്പ് എത്തിയാല്‍ ഡോര്‍ തുറന്ന് കൊടുത്ത് കുട്ടികള്‍ കയറി ഡോറsച്ച്‌ സീറ്റിലിരുന്നതിനു ശേഷം മാത്രം പോകാനുള്ള സിഗ്നല്‍ നല്‍കുക.
✳️. കാത്തു നില്‍ക്കുന്നത് റോഡിന് എതിര്‍വശത്താണെങ്കില്‍ അവരെ റോഡ് മുറിച്ച്‌ കടക്കാൻ സഹായിക്കുക.
✳️. ഇറക്കിയതിനു ശേഷം റോഡിന്റെ എതിര്‍വശത്തേക്ക് കുട്ടിയെ എത്തിച്ച ശേഷം മാത്രം വാഹനം മുന്നോട്ടെടുക്കാൻ അനുവദിക്കാവൂ.
✳️. ഏതെങ്കിലും സമയത്ത് പുറകിലോട്ടെടുക്കേണ്ടി വന്നാല്‍ ഇറങ്ങി പിറകുവശം തടസങ്ങള്‍ ഒന്നും തന്നെ ഇല്ല എന്നുറപ്പാക്കി ഡ്രൈവര്‍ക്ക് നിര്‍ദേശങ്ങള്‍ നല്‍കുക.
ചക്കരക്കൽ വാർത്ത
✳️. ഡ്രൈവിങ്ങിന്റെ ശ്രദ്ധ മാറ്റാൻ കാരണമാകുന്ന ഒരു പ്രവര്‍ത്തിയും കുട്ടികള്‍ ചെയ്യുന്നില്ല എന്നുറപ്പ് വരുത്തുക.
✳️. കുട്ടികളുടെ ബാഗ്, കുട എന്നിവ എടുത്തു നല്‍കുന്നതിന് സഹായിക്കുക.
✳️. കുട്ടികള്‍ കയ്യും തലയും പുറത്തിടുന്നില്ല എന്നുറപ്പാക്കുക.
✳️. ഡ്യൂട്ടിയുമായി ബന്ധപ്പെട്ടല്ലാതെ മൊബൈല്‍ ഫോണിന്റെ ഉപയോഗം വാഹനത്തില്‍ പരമാവധി കുറയ്ക്കുക.
