ഔഷധിയില്‍ മെഷീന്‍ ഓപ്പറേറ്റര്‍ താത്കാലിക നിയമനം; പ്ലസ്ടു/ ഐ.ടി.ഐക്കാര്‍ക്ക് അവസരം
സംസ്ഥാന സര്‍ക്കാര്‍ സ്ഥാപനമായ ഔഷധിയില്‍ 328 ഒഴിവുണ്ട്. ഇതില്‍ 310 ഒഴിവുകള്‍ മെഷീന്‍ ഓപ്പറേറ്റര്‍ തസ്തികയിലാണ്. താത്കാലിക അടിസ്ഥാനത്തിലാണ് നിയമനം. തസ്തിക, ഒഴിവുകളുടെ എണ്ണം, യോഗ്യത, പ്രായം, ശമ്പളം എന്ന ക്രമത്തില്‍
▪️ മെഷീന്‍ ഓപ്പറേറ്റര്‍/ ഷിഫ്റ്റ് ഓപ്പറേറ്റര്‍ – 310: ഐ.ടി.ഐ/ ഐ.ടി.സി/ പ്ലസ് ടു. 18 – 41. 12950 രൂപ. പുരുഷന്‍മാര്‍ക്ക് മാത്രം അപേക്ഷിക്കാം. 300 ഒഴിവ് തൃശ്ശൂരിലെ കുട്ടനെല്ലൂരിലും 10 ഒഴിവ് തിരുവനന്തപുരത്തെ മുട്ടത്തറയിലുമാണ്.
▪️ അപ്രന്റിസ് – 15: ഏഴാം ക്ലാസ്. 18 – 41. 12550 രൂപ. ഒഴിവ് തിരുവനന്തപുരത്തെ മുട്ടത്തറയില്‍.
▪️ ടെക്നീഷ്യന്‍ – 2: ഡിപ്ലോമ/ ഐ.ടി.ഐ (ഇലക്ട്രിക്കല്‍/ മെക്കാനിക്കല്‍), രണ്ട് വര്‍ഷത്തെ പ്രവൃത്തിപരിചയം. 20-41. 12550 രൂപ. ഒഴിവ് മുട്ടത്തറയില്‍.
▪️ ഇലക്ട്രീഷ്യന്‍ – 1: ഐ.ടി.ഐ ഇലക്ട്രീഷ്യന്‍, ഹൈടെന്‍ഷന്‍ ഉപഭോക്താവായ ഫാക്ടറിയില്‍ ഇലക്ട്രിക്കല്‍ വിഭാഗത്തില്‍ ജോലി ചെയ്ത മൂന്ന് വര്‍ഷത്തെ പരിചയം. 21- 41. 14750 രൂപ. ഒഴിവ് മുട്ടത്തറയില്‍.
അര്‍ഹരായ വിഭാഗക്കാര്‍ക്ക് വയസ്സില്‍ ഇളവ് ലഭിക്കും. വയസ്സ്, ജാതി, വിദ്യാഭ്യാസ യോഗ്യത തുടങ്ങിയവ തെളിയിക്കുന്ന സര്‍ട്ടിഫിക്കറ്റുകളുടെ കോപ്പി സഹിതം ഔഷധി, ഫാര്‍മസ്യൂട്ടിക്കല്‍ കോര്‍പ്പറേഷന്‍, കുട്ടനെല്ലൂര്‍, തൃശ്ശൂര്‍ – 680014 എന്ന വിലാസത്തില്‍ അയയ്ക്കണം.
അപേക്ഷയില്‍ തസ്തിക, ഫോണ്‍ നമ്പര്‍, ഏത് സ്ഥലത്തേക്കുള്ള അപേക്ഷ എന്നിവ വ്യക്തമായി രേഖപ്പെടുത്തണം. ഫോണ്‍: 0487-2459800. അപേക്ഷ സ്വീകരിക്കുന്ന അവസാന തീയതി: 2023 ജനുവരി 31.
