കാര്ഗിലില് ഇന്ത്യ നേടിയ ഐതിഹാസിക വിജയത്തിന് ഇന്ന് 23 വര്ഷം.
കാര്ഗിലില് ഇന്ത്യ നേടിയ ഐതിഹാസിക വിജയത്തിന് ഇന്ന് 23 വര്ഷം. രാഷ്ട്രത്തിനായി ജീവന് ബലികഴിച്ച ധീരരക്തസാക്ഷികള്ക്ക് ആദരം അര്പ്പിക്കുകയാണ് രാജ്യം
1999 മെയ് രണ്ടിനാണ് അറുപത് ദിവസത്തിലേറെ നീണ്ടു നിന്ന കാര്ഗില് യുദ്ധത്തിന്റെ തുടക്കം.
പാക്ദ്രാസ് മേഖലയിൽ നഷ്ടപ്പെട്ട ആടിനെ തേടിയിറങ്ങിയ ആട്ടിടയൻ ത്യാഷി നഗ്യാനാണ് പാക് സേന നുഴഞ്ഞുകയറുന്നത് ആദ്യമായി കണ്ടത്. സൈന്യത്തെ വിവരം അറിയിച്ചപ്പോഴേക്കും പാക് സൈന്യം അതിർത്തി കടന്നിരുന്നു. ഇന്ത്യൻ സൈന്യത്തിന്റെ കണക്കനുസരിച്ച് 1200 പാക് സൈനികരെങ്കിലും പോരാട്ടത്തിനിടെ കൊല്ലപ്പെട്ടിട്ടുണ്ടെന്നാണ് കണക്ക്..
ഇരു രാജ്യങ്ങളുടെയും നിരവധി ജീവനുകളാണ് പോരാട്ടത്തിനിടെ അപഹരിക്കപ്പെട്ടത്. 527 ഇന്ത്യൻ സൈനികർ രാജ്യത്തിനു വേണ്ടി ജീവൻ സമർപ്പിച്ചു. തുടക്കത്തിൽ നുഴഞ്ഞുകയറ്റത്തിന്റെ സ്വഭാവത്തെക്കുറിച്ചോ പരിണിതഫലത്തെക്കുറിച്ചോ ഇന്ത്യൻ സൈനികർക്ക് കാര്യമായ ധാരണ ഉണ്ടായിരുന്നില്ല. നുഴഞ്ഞു കയറിയവരെ ഏതാനും ദിവസങ്ങൾക്കുള്ളിൽ ഒഴിപ്പിക്കുമെന്നാണ് സേന പ്രഖ്യാപിച്ചത്
ശ്രീനഗര് വിമാനത്താവളം ലക്ഷ്യമിട്ട് മലമുകളില് നിലയുറപ്പിച്ച പാക് സൈന്യത്തെ തുരത്താന് വ്യോമസേനയുടെ ഓപ്പറേഷന് സഫേദ് സാഗര്. ദിവസങ്ങള് നീണ്ട പോരാട്ടം. ജൂലൈ നാലിന് ടൈഗര് ഹില്സിന് മുകളില് ത്രിവര്ണ പതാക ഉയര്ത്തുന്നതു വരെ അത് നീണ്ടു നിന്നു. ഒടുവില് കരളുറപ്പുള്ള ഇന്ത്യന് സൈന്യത്തിന്റെ പോരാട്ടവീര്യമറിഞ്ഞ പാക് പട തോറ്റു മടങ്ങി. ജൂലൈ 14ന് കാര്ഗിലില് ഇന്ത്യ വിജയം വരിച്ചതായി പ്രധാനമന്ത്രി അടല് ബിഹാരി വാജ്പേയി പ്രഖ്യാപിച്ചു.