തൃക്കാക്കര ഉപതെരഞ്ഞെടുപ്പിൽ എക്സിറ്റ് പോളിന് നിരോധനം ഏർപ്പെടുത്തി
തൃക്കാക്കര ഉപതിരഞ്ഞെടുപ്പുമായി ബന്ധപ്പെട്ട് വോട്ടെടുപ്പ് നടക്കുന്ന 31നു രാവിലെ 7 മുതൽ വൈകിട്ട് 6 വരെ എക്സിറ്റ് പോൾ നടത്തുന്നത് നിരോധിച്ചതായി മുഖ്യ തിരഞ്ഞെടുപ്പ് ഓഫീസർ അറിയിച്ചു. എക്സിറ്റ് പോൾ ഫലങ്ങൾ അച്ചടി, ഇലക്ട്രോണിക് മാധ്യമങ്ങൾ വഴിയോ മറ്റേതെങ്കിലും മാർഗങ്ങളിലൂടെയോ പ്രസിദ്ധീകരിക്കുന്നത് കർശനമായി നിരോധിച്ചിട്ടുണ്ടെന്ന് മുഖ്യതിരഞ്ഞെടുപ്പ് ഓഫീസർ അറിയിച്ചു.
29നു വൈകിട്ട് 6 മണി മുതൽ 31നു വൈകിട്ട് ആറ് മണി വരെ ഇലക്ട്രോണിക് മാധ്യമങ്ങൾ വഴി ഉപതിരഞ്ഞെടുപ്പുമായി ബന്ധപ്പെട്ട് അഭിപ്രായ സർവേകൾ പ്രദർശിപ്പിക്കുന്നതിനും വിലക്കുണ്ട്. അതേസമയം, തൃക്കാക്കരയിൽ കള്ളവോട്ട് ആരോപണവുമായി പ്രതിപക്ഷ നേതാവ് വി ഡി സതീശൻ രംഗത്തെത്തി. തൃക്കാക്കരയിലെ 161-ാം നമ്പർ ബൂത്തിൽ അഞ്ച് കള്ളവോട്ടുകൾ ചോർന്നെന്നാണ് ആരോപണം. പല വോട്ടർമാർക്കും അഷ്റഫ് എന്ന വ്യക്തിയെ അവരുടെ രക്ഷാധികാരിയായി ചേർത്തിട്ടുണ്ട്. യു.ഡി.എഫ് സമർപ്പിച്ച മൂവായിരം വോട്ടർമാരുടെ അപേക്ഷയാണ് തള്ളിയത്. ഭൂരിപക്ഷം കുറയ്ക്കുന്നതിനായി 6,000 അപേക്ഷകൾ നിരസിച്ചതായി അദ്ദേഹം വിശദീകരിച്ചു. കള്ളവോട്ട് ചെയ്യാൻ ആരും തൃക്കാക്കരയിൽ വരരുത്. അങ്ങനെ സംഭവിച്ചാൽ ജയിലിൽ പോകാൻ തയ്യാറാവണമെന്നും വിഡി സതീശൻ പറഞ്ഞു.
