സ്മിത്ത് മച്ഛാറിന് ഒരു കോടി രൂപ പാരിതോഷികം പ്രഖ്യാപിച്ച് ഫാര്‍മ കമ്പനി
ഡല്‍ഹി: രാജ്യത്തിന് അഭിമാനമായി മാറിയ ഫ്‌ളൈദുബായ് പൈലറ്റ് ക്യാപ്റ്റന്‍ സ്മിത്ത് മച്ഛാറിന് ഒരു കോടി രൂപ പാരിതോഷികം പ്രഖ്യാപിച്ച് ഔഷധ നിര്‍മ്മാണ കമ്പനിയായ മാന്‍കൈന്‍ഡ് ഫാര്‍മ. സങ്കല്‍പ്പിക്കാനാവാത്ത സാഹചര്യത്തിലും അസാമാന്യ ധൈര്യത്തോടെ പൊരുതുകയും ഉത്തരവാദിത്തബോധത്തോടെ പ്രവര്‍ത്തിക്കുകയും ചെയ്തത് ആദരവര്‍ഹിക്കുന്ന പ്രവര്‍ത്തിയാണെന്ന് കമ്പനി അധികൃതര്‍ വ്യക്തമാക്കി.
പരിക്കേറ്റിട്ടും സ്മിത്ത് മച്ചാര്‍, പൈലറ്റ്-ഇന്‍-കമാന്‍ഡ് എന്ന നിലയിലുള്ള തന്റെ ഉത്തരവാദിത്തങ്ങള്‍ നിര്‍വ്വഹിക്കുന്നത് തുടരുകയും യാത്രാക്കാരുടെ സുരക്ഷയ്ക്കായി നിലകൊള്ളുകയും ചെയ്തു. ഗുരുതരമായ അപകടവും കടുത്ത പരിക്കുകളും അഭിമുഖീകരിക്കേണ്ടിവന്നപ്പോള്‍ ഒരു യഥാര്‍ത്ഥ പ്രൊഫഷണല്‍ പൈലറ്റിന്റെ ഉത്തരവാദിത്തം അദ്ദേഹം കാണിച്ചു. മുറിവേറ്റ് അപകടകരമായ അവസ്ഥയിലായിട്ടും സ്മിത്ത് പ്രകടിപ്പിച്ചത് അസാമാന്യ ധൈര്യമാണെന്നും മാന്‍കൈന്‍ഡ് ഫാര്‍മ വ്യക്തമാക്കി.