നെല്ലിയാമ്പതിയില് കെഎസ്ആര്ടിസി ബസ് റോഡില് നിന്ന് തെന്നിമാറി അപകടം; ഒരു മരണം
പാലക്കാട്: പാലക്കാട് നെല്ലിയാമ്പതിയില് കെഎസ്ആര്ടിസി ബസ് റോഡില് നിന്ന് തെന്നിമാറി അപകടം. അപകടത്തില് ഒരു സ്ത്രീ മരിച്ചുവെന്നാണ് വിവരം. അപകടത്തിനിടെ ബസില് നിന്ന് തെറിച്ചുവീണ ഇവർ ബസിനും മരത്തിനും ഇടയില് കുടുങ്ങുകയായിരുന്നു. നിരവധി പേര്ക്ക് അപകടത്തില് പരിക്കേറ്റിട്ടുണ്ട്. ബസ് ഡ്രൈവറുടെ നില ഗുരുതരമാണെന്ന് റിപ്പോർട്ടുണ്ട്.
റോഡില് നിന്ന് തെന്നിമാറിയ ബസ് നിയന്ത്രണം വിട്ട് മരത്തില് ഇടിച്ച് നില്ക്കുകയായിരുന്നു. നാട്ടുകാരും പൊലീസും ചേര്ന്നാണ് രക്ഷാപ്രവര്ത്തനം നടത്തുന്നത്. പോത്തുണ്ടിയിലേക്ക് എത്താന് 500 മീറ്റര് മാത്രം ബാക്കിയുള്ളപ്പോഴാണ് ബസ് അപകടത്തില് പെട്ടത്.