ഗുരുവായൂരില് വെര്ച്വല് ക്യൂ ദര്ശനം ആരംഭിച്ചു
തൃശൂര്: ഗുരുവായൂരില് വെര്ച്വല് ക്യൂ വഴിയുള്ള ദര്ശനം ആരംഭിച്ചു. ഭക്തര്ക്ക് കൂടുതല് സുഖമമായി ദര്ശനം സാധ്യമാക്കുന്നതിനാണ് പരീക്ഷണാടിസ്ഥാനത്തില് പദ്ധതി ആരംഭിച്ചിരിക്കുന്നത്. ദേവസ്വം ചെയര്മാന് എ വി ഗോപിനാഥിന്റെ നേതൃത്വത്തിലാണ് വെര്ച്വല് ക്യൂ പ്രവര്ത്തനം ഏകോപിപ്പിക്കുന്നത്. അദ്യഘട്ടം മണിക്കൂറില് 300 ഭക്തര്ക്കാണ് ഓണ്ലൈന് വഴി ദര്ശനം ഒരുക്കുന്നത്. ചൊവ്വ, വ്യാഴം ദിനങ്ങളില് ആണ് പരീക്ഷണാടിസ്ഥാനത്തിലുള്ള വെര്ച്വല് ക്യൂ ദര്ശനം.
ദിവസവും എട്ട് മണിക്കൂറാണ് ദര്ശനം ഉണ്ടാകുക. അത്തരത്തില് പ്രതിദിനം 2400 എന്ന നിലയിലാണ് വെര്ച്വല് ക്യൂ പ്രവേശനം. പദ്ധതി നടപ്പിലാകുന്നതിലൂടെ ദര്ശനത്തിന് ഭക്തര് അനുഭവിക്കുന്ന ബുദ്ധിമുട്ട് ഒഴിവാകുമെന്നാണ് കരുതുന്നത്. ക്ഷേത്രത്തില് മണിക്കൂറുകളോളം ഭക്തര്ക്ക് ദര്ശനത്തിനായി ക്യൂ നില്ക്കേണ്ടി വരുന്ന പ്രതിസന്ധി ഇതിലൂടെ ഒഴിവാക്കാന് ആകും എന്നാണ് കരുതുന്നത്.