പ്രധാനമന്ത്രി നരേന്ദ്രമോദി ഇന്ന് ബിഹാറില്; തിരഞ്ഞെടുപ്പ് പ്രചാരണത്തിന് തുടക്കമാവും
പട്ന: പ്രധാനമന്ത്രി നരേന്ദ്രമോദി ഇന്ന് ബിഹാറില് എത്തും. മുന് ബിഹാര് മുഖ്യമന്ത്രി കര്പ്പൂരി ഠാക്കൂറിന്റെ ജന്മസ്ഥലമായ കര്പ്പൂരി ഗ്രാമത്തില് നിന്ന് തിരഞ്ഞെടുപ്പ് പ്രചാരണത്തിന് തുടക്കം കുറിക്കും. കര്പ്പൂരി ഠാക്കൂറിന് ആദരാഞ്ജലികള് അര്പ്പിച്ചതിനുശേഷം സമസ്തിപൂരിലും ബഹുസ്വരയിലുമായി റാലികളിലും പൊതുസമ്മേളനങ്ങളിലും പങ്കെടുക്കും. പ്രധാനമന്ത്രിയുടെ സന്ദര്ശനത്തോടനുബന്ധിച്ച് ബിഹാറില് വലിയ സുരക്ഷാക്രമീകരണങ്ങളാണ് ഒരുക്കിയിരിക്കുന്നത്.
തേജസ്വി യാദവിനെ മഹാസഖ്യത്തിന്റെ മുഖ്യമന്ത്രി സ്ഥാനാര്ത്ഥിയായി പ്രഖ്യാപിച്ചതിന് പിന്നാലെ പ്രചാരണം ശക്തമാക്കാനാണ് മഹാസഖ്യത്തിന്റെ നീക്കം. തേജസ്വി യാദവിനൊപ്പം രാഹുല്ഗാന്ധിയും റാലിയില് പങ്കെടുത്തേക്കും. കോണ്ഗ്രസ് അധ്യക്ഷന് മല്ലികാര്ജുന് ഖര്ഗെ, പ്രിയങ്ക ഗാന്ധി ഉള്പ്പെടെയുള്ള നേതാക്കള് മഹാസഖ്യത്തിന്റെ പ്രചാരണത്തിനായി ബീഹാറില് എത്തും.
പട്നയില് നടന്ന മഹാസഖ്യത്തിന്റെ സംയുക്ത വാര്ത്താ സമ്മേളനത്തില് ആയിരുന്നു തേജസ്വി യാദവിനെ മുഖ്യമന്ത്രി സ്ഥാനാര്ഥിയായി പ്രഖ്യാപിച്ചത്. വികാശിയില് ഇന്സാന് പാര്ട്ടി നേതാവ് മുകേഷ് സഹാനിയാണ് ഉപമുഖ്യമന്ത്രി സ്ഥാനര്ഥി.
തേജസ്വി യാദവ് തട്ടിപ്പ് കേസിലെ ആരോപണ വിധേയന് എന്ന് ബിജെപി ആരോപിച്ചു.മുഖ്യമന്ത്രി സ്ഥാനാര്ഥിയായി പ്രഖ്യാപിച്ചതിന് പിന്നാലെ ആയിരുന്നു ആരോപണം. അതിനിടെ സ്ഥാനാര്ഥിത്വവുമായി ബന്ധപ്പെട്ട് ദേശീയ നേതൃത്വത്തിനെതിരെ ബിഹാറിലെ കോണ്ഗ്രസ് നേതാക്കള് പാര്ട്ടി ആസ്ഥാനത്ത് പ്രതിഷേധിച്ചു.