കെഎസ്ആര്‍ടിസി പുനഃസംഘടിപ്പിക്കും; സര്‍ക്കാരിന്റെ പ്രോഗസ് റിപ്പോര്‍ട്ട്
കെഎസ്ആർടിസി പുനഃസംഘടിപ്പിക്കുമെന്ന് എൽഡിഎഫ് സർക്കാരിന്റെ പ്രോഗ്രസ് റിപ്പോർട്ടിൽ പറയുന്നു. കെഎസ്ആർടിസിയെ സ്വന്തം കാലിൽ നിൽക്കാൻ പ്രാപ്തമാക്കും. മിനിമം സബ്സിഡി അടിസ്ഥാനത്തിൽ ഇത് നടപ്പാക്കുമെന്നും സംസ്ഥാന സർക്കാർ പ്രോഗ്രസ് റിപ്പോർട്ടിൽ പറയുന്നു.
കെഎസ്ആർടിസിയുടെ ബാങ്ക് കൺസോർഷ്യത്തിന്റെ വായ്പകൾ സ്വയംപര്യാപ്തമാകുന്നതുവരെ സർക്കാർ തിരിച്ചടക്കും. സർക്കാരിന്റെ ഒന്നാം വാർഷികത്തോടനുബന്ധിച്ച് പുറത്തിറക്കിയ പ്രോഗ്രസ് റിപ്പോർട്ട് പ്രകാരം ജീവനക്കാർക്ക് ശമ്പളവും പെൻഷനും സർക്കാർ ഉറപ്പാക്കും.
സിൽവർ ലൈൻ പദ്ധതിയിൽ ഭൂമി ഏറ്റെടുക്കൽ ആരംഭിക്കുമെന്ന് പ്രോഗ്രസ് റിപ്പോർട്ടിൽ പറയുന്നു. മുന്നോട്ട് പോകാൻ കേന്ദ്ര നിർദേശമുണ്ടെന്നും റിപ്പോർട്ടിൽ പറയുന്നു. പ്രാരംഭ നടപടികളുമായി മുന്നോട്ട് പോകാൻ കേന്ദ്ര ധനമന്ത്രാലയം നിർദ്ദേശം നൽകിയിട്ടുണ്ട്. ഡിപിആർ റെയിൽവേ മന്ത്രാലയത്തിൻറെ പരിഗണനയിലാണ്. അനുമതി ലഭിച്ചാലുടൻ കോഴിക്കോട്, തിരുവനന്തപുരം ലൈറ്റ് മെട്രോകൾ നടപ്പാക്കും. പുതുക്കിയ ഡി.പി.ആർ തയ്യാറാക്കാൻ കൊച്ചി മെട്രോയെ ചുമതലപ്പെടുത്തും. ലൈറ്റ് മെട്രോയുടെ കാര്യത്തിലാണ് ഇത്. ഇത് ഇപ്പോൾ സിൽവർ ലൈനിനൊപ്പം പോകുന്നു.
