സ്വർണ്ണകടത്ത് ആരോപണത്തിൽ പ്രതികരിക്കാതെ മുഖ്യമന്ത്രി
സ്വർണക്കടത്ത് കേസിൽ മുഖ്യമന്ത്രിക്കും കുടുംബത്തിനും പങ്കുണ്ടെന്ന സ്വപ്ന സുരേഷിൻറെ ഗുരുതര ആരോപണങ്ങളോട് പ്രതികരിക്കാൻ വിസമ്മതിച്ച് മുഖ്യമന്ത്രി പിണറായി വിജയൻ. തിരുവനന്തപുരം വിമാനത്താവളത്തിലെത്തിയ മുഖ്യമന്ത്രി മാധ്യമങ്ങളോട് സംസാരിച്ചില്ല. കനത്ത പോലീസ് സുരക്ഷയാണ് വിമാനത്താവളത്തിൽ ഒരുക്കിയിരുന്നത്.
കയറുകൾ കെട്ടിയാണ് മാധ്യമപ്രവർത്തകരെ വിമാനത്താവളത്തിൽ നിന്ന് വേർപെടുത്തിയത്. മുഖ്യമന്ത്രിയെ സമീപിക്കാനുള്ള മാധ്യമപ്രവർത്തകരുടെ ശ്രമത്തെ പോലീസ് ചെറുത്തു. മുഖ്യമന്ത്രിക്കെതിരായ സ്വപ്ന സുരേഷിൻറെ ആരോപണങ്ങൾ പ്രതിപക്ഷം രാഷ്ട്രീയ ആയുധമായി ഉപയോഗിക്കുകയാണ്. ഒരു മണിക്കൂർ പോലും മുഖ്യമന്ത്രിക്കസേരയിൽ ഇരിക്കാൻ മുഖ്യമന്ത്രിക്ക് അർഹതയില്ലെന്നും സുധാകരൻ പറഞ്ഞു. തൻറെ ആരോപണങ്ങൾ സത്യമാണെന്നും മുഖ്യമന്ത്രിയാണ് കേസിലെ ഒന്നാം പ്രതിയെന്നും രമേശ് ചെന്നിത്തല പറഞ്ഞു.
മുഖ്യമന്ത്രി ഉൾപ്പെടെയുള്ളവർക്കെതിരെ ഗുരുതര ആരോപണങ്ങളാണ് സ്വപ്ന സുരേഷ് ഉന്നയിച്ചിരിക്കുന്നത്. ശിവശങ്കർ, മുഖ്യമന്ത്രി, ഭാര്യ കമല, മകൾ വീണ, സെക്രട്ടറി സി.എം.രവീന്ദ്രൻ, നളിനി നെറ്റോ ഐ.എ.എസ്, മുൻ മന്ത്രി കെ.ടി.ജലീൽ എന്നിവരുടെ പങ്ക് വ്യക്തമായി പറഞ്ഞിട്ടുണ്ട്.
