ബാഡ്മിന്റണ്‍ ലോക ചാമ്പ്യന്‍ഷിപ്പിൽ ഇന്ത്യക്ക് വെങ്കലം
ടോക്യോ: ബാഡ്മിന്റൺ ലോക ചാമ്പ്യൻഷിപ്പിൽ ഇന്ത്യയുടെ സാത്വിക് സായ്രാജ് റാങ്കിറെഡ്ഡി- ചിരാഗ് ഷെട്ടി സഖ്യം വെങ്കല മെഡൽ നേടി. ബർമിങ്ഹാം കോമണ്‍വെല്‍ത്ത് ഗെയിംസിൽ ഇന്ത്യക്കായി സ്വർണം നേടിയ ഇരുവരും ലോക ചാമ്പ്യൻഷിപ്പിന്റെ സെമിഫൈനലിൽ പരാജയപ്പെട്ടു. മലേഷ്യയുടെ ആരോണ്‍ ചിയ – വൂയി യിക് സോ സഖ്യമാണ് സെമിഫൈനലിൽ ഇന്ത്യൻ ജോഡിയെ പരാജയപ്പെടുത്തിയത്. സ്കോർ: 22-20, 18-21, 16-21.
സെമി ഫൈനലിൽ തോറ്റെങ്കിലും ബാഡ്മിന്റൺ ലോക ചാമ്പ്യൻഷിപ്പിൽ മെഡൽ നേടുന്ന ആദ്യ ഇന്ത്യൻ പുരുഷ ഡബിൾസ് ജോഡിയായി സാത്വികും ചിരാഗും മാറി. 2011ൽ ജ്വാല ഗുട്ടയും അശ്വിനി പൊന്നപ്പയും വനിതാ വിഭാഗത്തിൽ മെഡൽ നേടിയിരുന്നു.
