സീറ്റ് നല്‍കിയില്ല, വൈദ്യുതി ടവറിന് മുകളിൽ കയറി എഎപി നേതാവിന്റെ പ്രതിഷേധം
ന്യൂഡല്‍ഹി: ഡൽഹി മുനിസിപ്പൽ കോർപ്പറേഷൻ തെരഞ്ഞെടുപ്പിൽ മത്സരിക്കാൻ അവസരം നിഷേധിച്ചതിനെ തുടർന്ന് ആം ആദ്മി പാർട്ടി നേതാവ് വൈദ്യുതി ടവറിൽ കയറി നാടകീയ പ്രകടനം നടത്തി. കിഴക്കൻ ഡൽഹിയിലെ ഗാന്ധിനഗറിൽ നിന്നുള്ള ആം ആദ്മി പാർട്ടി കൗണ്‍സിലറായ ഹസിബുൾ ഹസനാണ്
ടവറിന് മുകളിൽ കയറിയത്.
കാര്യത്തെക്കുറിച്ച് അന്വേഷിക്കാൻ വന്ന നിരവധി ആളുകൾ നേതാവിനെ ഇറങ്ങാൻ നിർബന്ധിച്ചു, പക്ഷേ അദ്ദേഹം വിസമ്മതിച്ചു. വരാനിരിക്കുന്ന ഡൽഹി മുനിസിപ്പൽ കോർപ്പറേഷൻ തിരഞ്ഞെടുപ്പിൽ മത്സരിക്കാൻ തനിക്ക് സീറ്റ് നൽകാത്തതിൽ തനിക്ക് ദേഷ്യമുണ്ടെന്നും സീറ്റ് നൽകിയില്ലെങ്കിൽ താഴെയിറങ്ങില്ലെന്നും അദ്ദേഹം പറഞ്ഞു.
സ്ഥാനാർത്ഥിത്വം നൽകാതെ അവസാന നിമിഷം പാർട്ടി തന്നെ വഞ്ചിച്ചുവെന്നും ഹസിബുൽ ഹസൻ ആരോപിച്ചു. സ്ഥാനാർത്ഥിയാകാമെന്നാണ് പ്രതീക്ഷയെന്നും പാർട്ടി നിർദ്ദേശപ്രകാരം ഹാജരാക്കിയ ഒറിജിനൽ രേഖകൾ തനിക്ക് തിരികെ നൽകിയില്ലെന്നും അദ്ദേഹം ആരോപിച്ചു.
