കോന്നി മെഡിക്കല്‍ കോളജില്‍ അലോട്‌മെന്റ് ഒക്ടോബറില്‍ ആരംഭിക്കുമെന്ന് വീണാ ജോര്‍ജ്
പത്തനംതിട്ട: മെഡിക്കൽ കോളേജിൽ ഈ അധ്യയന വർഷത്തെ അലോട്ട്മെന്‍റ് ഒക്ടോബറിൽ ആരംഭിക്കുമെന്ന് കോന്നി മന്ത്രി വീണാ ജോർജ് അറിയിച്ചു. എം.ബി.ബി.എസ് പ്രവേശനത്തിന് ദേശീയ മെഡിക്കൽ കമ്മിഷന്‍റെ അനുമതി ലഭിച്ച ശേഷം ആദ്യമായി കോന്നി മെഡിക്കൽ കോളേജ് സന്ദർശിച്ച ശേഷം സംസാരിക്കുകയായിരുന്നു മന്ത്രി. അലോട്ട്മെന്‍റിന് ശേഷം ദേശീയ തലത്തിൽ ഷെഡ്യൂൾ അനുസരിച്ച് ക്ലാസുകൾ ആരംഭിക്കും.
ഈ വർഷം തന്നെ ഇടുക്കി, കോന്നി മെഡിക്കൽ കോളേജുകൾക്ക് 200 എം.ബി.ബി.എസ് സീറ്റുകളാണ് അംഗീകാരത്തോടെ ലഭിച്ചത്. പാരിപ്പള്ളി, മഞ്ചേരി എന്നിവിടങ്ങളിൽ ആരംഭിച്ച നഴ്സിംഗ് കോളേജുകളിൽ 120 നഴ്സിംഗ് വിദ്യാർത്ഥികൾക്കുള്ള ക്ലാസുകൾ ആരംഭിച്ചു. 26 സ്പെഷ്യാലിറ്റി സീറ്റുകളും ഒമ്പത് സൂപ്പർ സ്പെഷ്യാലിറ്റി സീറ്റുകളും അനുവദിച്ചിട്ടുണ്ട്. കൂട്ടായ പ്രവർത്തനത്തിന്‍റെ ഫലമായാണ് ഇത് സാധ്യമായതെന്നും കെ.യു.ജനീഷ് കുമാർ എം.എൽ.എ നിരന്തരം ഇടപെട്ട് മെഡിക്കൽ കോളേജിന്‍റെ സാക്ഷാത്കാരത്തിനായി പ്രവർത്തിച്ചിട്ടുണ്ടെന്നും മന്ത്രി പറഞ്ഞു.
മുഖ്യമന്ത്രി പിണറായി വിജയന്‍റെ നിർദ്ദേശപ്രകാരം കോന്നി മെഡിക്കൽ കോളേജിന് അംഗീകാരം ലഭിക്കാൻ ആവശ്യമായ അടിസ്ഥാന സൗകര്യങ്ങൾ ഒരുക്കുന്നതിനുള്ള ഫണ്ട് കിഫ്ബി ലഭ്യമാക്കിയിട്ടുണ്ട്. ഒന്നാം വർഷ ക്ലാസുകൾ ആരംഭിക്കുന്നതിന് ആവശ്യമായ ക്രമീകരണങ്ങൾ ഒരുക്കുന്നതിന് കിഫ്ബിയിൽ നിന്ന് 18.72 കോടി രൂപ ലഭ്യമാക്കിയിട്ടുണ്ട്. ഇതിനായി ആവശ്യമായ ലക്ചർ ഹാൾ, ലാബ്, ലൈബ്രറി സൗകര്യങ്ങൾ എന്നിവ സാധ്യമാക്കാൻ ഒരു ടീം രൂപീകരിച്ചു. കൊവിഡ് കാലത്തെ പ്രതിസന്ധി മറികടന്ന് ആരംഭിച്ച ഒ.പിയും ഐ.പിയും പൂർണമായും പ്രവർത്തനക്ഷമമാകും. ഓൺലൈനായി രജിസ്റ്റർ ചെയ്യുന്നതിന് കൂടുതൽ സ്പെഷ്യാലിറ്റി സേവനങ്ങളും ഇ ഹെൽത്ത് നടപ്പാക്കും.
