ജലീലിന്റെ ഓഫീസിന് നേരെ കരി ഓയില്‍ പ്രയോഗം
എടപ്പാള്‍: കശ്മീരിനെ കുറിച്ചുള്ള കെ.ടി ജലീൽ എം.എൽ.എയുടെ വിവാദ പരാമർശത്തിൽ പ്രതിഷേധിച്ച് യുവമോർച്ച പ്രവർത്തകർ അദ്ദേഹത്തിന്‍റെ ഓഫീസിന് നേരെ കരി ഓയിൽ പ്രയോഗം നടത്തി. എടപ്പാളിലെ ഓഫീസിന്‍റെ ഷട്ടറുകളിലും ബോർഡുകളിലുമാണ് കരി ഓയിൽ ഒഴിച്ചത്. ഷട്ടറിൽ നോട്ടീസും ഒട്ടിച്ചിട്ടുണ്ട്.
കശ്മീർ സന്ദർശനത്തിനിടെയാണ് ജലീലിന്റെ വിവാദ ഫേസ്ബുക്ക് പോസ്റ്റ്. ഇതിന് പിന്നാലെയാണ് വൻ പ്രതിഷേധം ഉയർന്നത്. ഗവര്‍ണറടക്കം ജലീലിന്റെ പോസ്റ്റ് ദൗര്‍ഭാഗ്യകരമെന്ന് പറഞ്ഞ് രംഗത്ത് വന്നിരുന്നു.
