‘വാളയാർ കേസിൽ കേരളത്തിന് പുറത്ത് നിന്നുളള സിബിഐ സംഘം തുടരന്വേഷണം നടത്തണം’
വാളയാർ കേസിൽ തുടരന്വേഷണം നടത്താൻ കേരളത്തിന് പുറത്ത് നിന്ന് സി.ബി.ഐ സംഘത്തെ കൊണ്ടുവരണമെന്ന് വാളയാർ പെൺകുട്ടികളുടെ അമ്മ. വാളയാറിലെ സഹോദരിമാരുടെ ദുരൂഹ മരണത്തിൽ സിബിഐ കുറ്റപത്രം ഫയലിൽ സ്വീകരിക്കാതെ തുടരന്വേഷണത്തിന് പാലക്കാട് പോക്സോ കോടതി ഉത്തരവിട്ടിരുന്നു.
ജനങ്ങളുടെ കണ്ണിൽ പൊടിയിടാനുളള കുറ്റപത്രമാണ് സി.ബി.ഐ നേരത്തെ കോടതിയിൽ സമർപ്പിച്ചതെന്നും കേരളത്തിന് പുറത്ത് നിന്ന് സി.ബി.ഐ സംഘത്തെ നിയോഗിക്കണമെന്ന് ആവശ്യപ്പെട്ട് കോടതിയെ സമീപിച്ചിട്ടുണ്ടെന്നും വാളയാർ പെൺകുട്ടികളുടെ അമ്മ പറഞ്ഞു.
