കോഴിക്കോട് പത്താം ക്ലാസ് വിദ്യാര്‍ഥി മരിച്ച നിലയില്‍; ഇടിമിന്നലേറ്റതെന്ന് സംശയം
കോഴിക്കോട്: കോഴിക്കോട് പുതിയങ്ങാടിയിൽ വിദ്യാർത്ഥിയെ മരിച്ച നിലയിൽ കണ്ടെത്തി. ഇടിമിന്നലേറ്റാണ് മരണം സംഭവിച്ചതെന്നാണ് പ്രാഥമിക വിവരം. കാരപ്പറമ്പ് സ്കൂളിലെ പത്താം ക്ലാസ് വിദ്യാർത്ഥി മുഹമ്മദ് അസൈൻ (15) ആണ് മരിച്ചത്.
ഞായറാഴ്ച വൈകുന്നേരത്തോടെ പ്രദേശത്ത് കനത്ത മഴയും ഇടിമിന്നലും ഉണ്ടായി. സ്കൂളിൽ നിന്ന് മടങ്ങിയെത്തിയ ശേഷം കളിക്കാൻ പോകുകയായിരുന്ന കുട്ടിക്ക് ഇടിമിന്നലേറ്റതായാണ് റിപ്പോർട്ട്. കുട്ടി നിലത്ത് കിടക്കുന്നത് കണ്ട് നാട്ടുകാർ ആശുപത്രിയിൽ എത്തിയപ്പോഴേക്കും മരിച്ചിരുന്നു.
കുട്ടിയുടെ ശരീരത്തിൽ കാര്യമായ പരിക്കുകളൊന്നും കണ്ടെത്തിയിട്ടില്ല. അസുഖങ്ങളൊന്നും ഉണ്ടായിരുന്നില്ലെന്ന് ബന്ധുക്കൾ പറഞ്ഞു.
