ലൈസന്‍സ് പ്ലേറ്റ് മറച്ച് വെച്ചാല്‍ വന്‍ തുക പിഴ; മുന്നറിയിപ്പുമായി അബുദാബി പൊലീസ്
അബുദാബി: വാഹനമോടിക്കുമ്പോൾ ലൈസൻസ് പ്ലേറ്റ് അഥവാ നമ്പര്‍പ്ലേറ്റ് മനപ്പൂർവ്വം മറച്ചുവച്ചാൽ 400 ദിർഹം പിഴ ചുമത്തുമെന്ന മുന്നറിയിപ്പുമായി അബുദാബി പൊലീസ്. വാഹനമോടിക്കുമ്പോൾ ലൈസൻസ് പ്ലേറ്റുകൾ പൂർണ്ണമായും കാണുന്നുണ്ടെന്ന് ഉറപ്പാക്കണമെന്നും പൊലീസ് അഭ്യർത്ഥിച്ചിട്ടുണ്ട്.
ഫെഡറൽ ട്രാഫിക് നിയമങ്ങൾ പ്രകാരം, ഈ വർഷം ആദ്യ ആറ് മാസത്തിനുള്ളിൽ ഇത്തരത്തിലുള്ള 4,200 വാഹനങ്ങൾക്ക് പിഴ ചുമത്തിയിരുന്നു. ലൈസൻസ് പ്ലേറ്റില്ലാതെ വാഹനമോടിക്കുന്നവർക്കെതിരെ വാഹനങ്ങൾ പിടിച്ചെടുക്കുന്നതുൾപ്പെടെയുള്ള നടപടിയെടുക്കുമെന്നും പൊലീസ് അറിയിച്ചു.
