ആകാശത്ത് ഹെലികോപ്റ്ററുകൾ കൂട്ടിയിടിച്ച് അപകടം; 4 പേർ മരിച്ചു
സി‌ഡ്നി: ആകാശത്ത് ഹെലികോപ്റ്ററുകൾ കൂട്ടിയിടിച്ചുണ്ടായ അപകടത്തിൽ 4 മരണം. ഓസ്ട്രേലിയയിലെ ഗോൾ കോസ്റ്റ് വിനോദസഞ്ചാര കേന്ദ്രത്തിലാണ് അപകടമുണ്ടായത്. പരിക്കേറ്റവരിൽ മൂന്നുപേർ ഗുരുതരാവസ്ഥയിൽ ചികിത്സയിലാണ്.
അപകടത്തിൽപെട്ട ഹെലികോപ്റ്ററിന്റെ റോട്ടർ താഴേക്കു പതിക്കുന്ന ദൃശ്യം പുറത്തുവന്നു. കാലിഫോർണിയ ന്യൂസ് വാച്ച് ഹെലികോപ്റ്റർ മണൽത്തിട്ടയിൽ വീഴുന്നതിന്‍റെയും റോട്ടറുകൾ അകലെ കിടക്കുന്നതിന്‍റെയും ദൃശ്യങ്ങൾ ട്വിറ്ററിൽ പോസ്റ്റ് ചെയ്തു.
2 ഹെലികോപ്റ്ററുകളും ആകാശത്തു കൂട്ടിമുട്ടിയ ശേഷം തകർന്ന് സീ വേൾഡ് റിസോർട്ടിലെ മണലിൽ വീഴുകയായിരുന്നുവെന്ന് ക്വീൻസ്ലാൻഡ് പോലീസ് ഇൻസ്പെക്ടർ ഗാരി വോറൽ പറഞ്ഞു. രക്ഷാപ്രവർത്തനം പുരോഗമിക്കുകയാണ്.
