ഐസിസിയുടെ മികച്ച ബാറ്റ്സ്മാൻ; ഒന്നാം സ്ഥാനം നിലനിർത്തി സൂര്യകുമാർ യാദവ്
ടി20 താരങ്ങളിൽ ഏറ്റവും മികച്ച ബാറ്ററായി വീണ്ടും സൂര്യകുമാർ യാദവ്. ഐസിസി ബുധനാഴ്ച പുറത്തിറക്കിയ പട്ടികയിൽ സൂര്യകുമാർ ഒന്നാം സ്ഥാനം നിലനിർത്തി. അർഷ്ദീപ് സിംഗ് സ്ഥാനം മെച്ചപ്പെടുത്തി 23-ാം സ്ഥാനത്തെത്തി.
അഞ്ച് മത്സരങ്ങളിൽ നിന്ന് 225 റൺസാണ് സൂര്യകുമാർ യാദവ് നേടിയത്. ശരാശരി സ്ട്രൈക്ക് റേറ്റ് 200 ആണ്. പാക്കിസ്ഥാന്‍റെ മുഹമ്മദ് റിസ്വാൻ ആണ് രണ്ടാം സ്ഥാനത്ത്. തിരിച്ചുവരവ് നടത്തിയ കെ.എൽ. രാഹുൽ അഞ്ച് സ്ഥാനങ്ങൾ മെച്ചപ്പെടുത്തി 16-ാം സ്ഥാനത്തെത്തി. വിരാട് കോഹ്ലി 11-ാം സ്ഥാനത്തും രോഹിത് ശർമ്മ 18-ാം സ്ഥാനത്തുമാണ്.
ബൗളർമാരിൽ 4 സ്ഥാനങ്ങൾ മെച്ചപ്പെടുത്തി അർഷ്ദീപ് 23-ാം സ്ഥാനത്തെത്തി. ബൗളർമാരുടെ പട്ടികയിൽ ശ്രീലങ്കൻ സ്പിന്നർ വാനിന്ദു ഹസരംഗയാണ് ഒന്നാമത്. ട്വന്‍റി 20 സൂപ്പർ 12 മത്സരത്തിൽ 15 വിക്കറ്റുകളാണ് ഹസരംഗ വീഴ്ത്തിയത്.
