2002 ലെ ഗുജറാത്ത് കലാപം; മോദിയുടെ ക്ലീന്‍ ചീറ്റിനെതിരെയുള്ള ഹര്‍ജി തള്ളി
ന്യൂഡല്‍ഹി: 2002ലെ ഗുജറാത്ത് കലാപക്കേസിൽ പ്രധാനമന്ത്രി നരേന്ദ്ര മോദിക്ക് ക്ലീൻ ചിറ്റ് നൽകിയത് ചോദ്യം ചെയ്തുള്ള ഹർജി സുപ്രീം കോടതി തള്ളി. ഗുജറാത്ത് കലാപത്തിൽ അന്നത്തെ മുഖ്യമന്ത്രി നരേന്ദ്ര മോദിക്കും മറ്റ് ഉന്നത ഉദ്യോഗസ്ഥർക്കും പങ്കുണ്ടെന്ന ആരോപണം തള്ളി പ്രത്യേക അന്വേഷണ സംഘം സമർപ്പിച്ച റിപ്പോർട്ടിനെ ചോദ്യം ചെയ്ത് സാക്കിയ എഹ്സാൻ ജാഫ്രി സുപ്രീം കോടതിയിൽ ഹർജി നൽകിയിരുന്നു. ജസ്റ്റിസ് എ.എം ഖാന്‍വില്‍കര്‍ അധ്യക്ഷനായ ബെഞ്ചാണ് ഹർജി തള്ളിയത്. ഗുജറാത്തിൽ കലാപത്തിനിടെ കൊല്ലപ്പെട്ട കോൺഗ്രസ്‌ എംപി ഇഹ്സാൻ ജാഫ്രിയുടെ വിധവയാണ് സാക്കിയ.
