നിയമസഭയില്‍ സംഘര്‍ഷം ഉണ്ടാക്കാന്‍ ശ്രമിച്ചത് ഭരണപക്ഷമെന്ന് വി ഡി സതീശൻ
പ്രതിപക്ഷം സഭ സ്തംഭിപ്പിച്ചു. നിയമസഭയിലെ മന്ത്രിമാർ ഉൾപ്പെടെയുള്ളവർ പ്രതിപക്ഷത്തിനെതിരെ മുദ്രാവാക്യം വിളിച്ച് പ്രതിപക്ഷത്തിന്റെ അവകാശങ്ങൾ ഇല്ലാതാക്കാന്‍ ശ്രമിക്കുകയാണെന്ന് പ്രതിപക്ഷ നേതാവ് വി.ഡി സതീശൻ ആരോപിച്ചു.
മന്ത്രിമാർ ഉൾപ്പെടെയുള്ളവർ ഇന്ന് സഭയിൽ പ്രകോപനപരമായ മുദ്രാവാക്യങ്ങൾ മുഴക്കി. മന്ത്രിമാർ ഉൾപ്പെടെയുള്ള ഭരണകക്ഷി അംഗങ്ങൾ സഭയിൽ യുദ്ധാന്തരീക്ഷം സൃഷ്ടിക്കാൻ ശ്രമിച്ചു. നിയമസഭയിൽ സംഘർഷം സൃഷ്ടിക്കാൻ ശ്രമിച്ചത് ഭരണകക്ഷിയാണ്. അതുകൊണ്ടാണ് സഭാ നടപടികൾ നിർത്തിവയ്ക്കാൻ തീരുമാനിച്ചതെന്നും സതീശൻ മാധ്യമങ്ങളോട് പറഞ്ഞു.
