ഇന്ത്യയിൽ 833 പുതിയ കൊവിഡ് കേസുകൾ; സജീവ കേസുകൾ 0.03 %
ന്യൂഡല്‍ഹി: ഇന്ത്യയിൽ കഴിഞ്ഞ 24 മണിക്കൂറിനിടെ 833 പുതിയ കൊവിഡ് കേസുകൾ സ്ഥിരീകരിച്ചു. ആകെ കൊവിഡ് കേസുകളുടെ എണ്ണം 4,46,65,643 ആയി. സജീവ കേസുകൾ 12,553 ആയി കുറഞ്ഞുവെന്ന് കേന്ദ്ര ആരോഗ്യ മന്ത്രാലയം ശനിയാഴ്ച അപ്ഡേറ്റ് ചെയ്ത കണക്കുകൾ വ്യക്തമാക്കുന്നു. രാവിലെ എട്ട് മണിക്ക് പുതുക്കിയ കണക്കുകൾ പ്രകാരം കേരളത്തിൽ നിന്നുള്ള മൂന്ന് പേർ ഉൾപ്പെടെ എട്ട് മരണങ്ങൾ ഉണ്ടായതിനാൽ മരണസംഖ്യ ആകെ 5,30,528 ആയി.
മൊത്തം അണുബാധയുടെ 0.03 ശതമാനമാണ് സജീവ കേസുകൾ. അതേസമയം ദേശീയ കൊവിഡ് രോഗമുക്തി നിരക്ക് 98.78 ശതമാനമായി ഉയർന്നു. കഴിഞ്ഞ 24 മണിക്കൂറിനിടെ സജീവ കൊവിഡ് കേസുകളിൽ 199 കേസുകളുടെ കുറവ് രേഖപ്പെടുത്തി. രോഗമുക്തി നേടിയവരുടെ എണ്ണം 4,41,22,562 ആയും മരണനിരക്ക് 1.19 ശതമാനമായും ഉയർന്നു.
മന്ത്രാലയത്തിന്‍റെ കണക്കുകൾ പ്രകാരം രാജ്യവ്യാപക കൊവിഡ് വാക്സിനേഷൻ ഡ്രൈവിന് കീഴിൽ ഇതുവരെ 219.79 കോടി ഡോസ് കൊവിഡ് വാക്സിൻ നൽകി. ഇന്ത്യയിൽ കൊവിഡ് ബാധിതരുടെ എണ്ണം 20 ലക്ഷം കടന്നു.
