ഐഎസ്എല്‍: ഇന്ന് ബ്ലാസ്റ്റേഴ്സ്-ഒഡീഷ എഫ്സി പോരാട്ടം
ഭുവനേശ്വര്‍: ഐഎസ്എല്ലിൽ വിജയവഴിയിലേക്ക് തിരിച്ചുവരാനാണ് കേരള ബ്ലാസ്റ്റേഴ്സിന്‍റെ ശ്രമം. ആദ്യ എവേ മത്സരത്തിൽ ഒഡീഷ എഫ്‌സിയുമായി ഏറ്റുമുട്ടും. രാത്രി 7.30ന് ഭുവനേശ്വറിലെ കലിംഗ സ്റ്റേഡിയത്തിലാണ് മത്സരം.
സ്വന്തം തട്ടകത്തിൽ കേരള ബ്ലാസ്റ്റേഴ്സിന് മികച്ച തുടക്കം ലഭിച്ചെങ്കിലും പിന്നീട് നാണംകെട്ട തോൽവി ഏറ്റുവാങ്ങി. മൂന്നാം ഗെയിമിൽ എവേ മത്സരത്തെക്കുറിച്ചും ബ്ലാസ്റ്റേഴ്സ് ആശങ്കാകുലരാണ്. പ്രതിരോധം മറന്ന് ആക്രമണത്തിനിറങ്ങിയതാണ് എടികെ ബഗാനെതിരായ ബ്ലാസ്റ്റേഴ്സിന്‍റെ തകർച്ചയ്ക്ക് കാരണമായത്. കൗണ്ടർ അറ്റാക്കിംഗിലൂടെ അഞ്ച് ഗോളുകളാണ് എടികെ നേടിയത്. കോച്ച് ഇവാൻ വുക്കോമനോവിച്ചിന്‍റെ ആദ്യ ശ്രമം ഒഡീഷയ്ക്കെതിരായ ഈ പ്രശ്നം പരിഹരിക്കുക എന്നതാണ്. പ്രതിരോധത്തിലും ചില മാറ്റങ്ങൾ ഉണ്ടാകാം.
ബ്ലാസ്റ്റേഴ്സിന്‍റെ അതേ അവസ്ഥയിലാണ് ഒഡീഷ എഫ്സി. ജംഷഡ്പൂർ എഫ്‌സിയെ 3-2ന് തോൽപ്പിച്ച ഒഡീഷ രണ്ടാം മത്സരത്തിൽ മുംബൈ സിറ്റി എഫ്സിയോട് എതിരില്ലാത്ത രണ്ട് ഗോളുകൾക്ക് തോറ്റു.
