ഇന്ന് മുതൽ നാല് പ്രധാന നഗരങ്ങളിൽ ജിയോ 5G
ഡൽഹി: രാജ്യത്ത് ജിയോയുടെ 5 ജി സേവനങ്ങൾ ഇന്ന് മുതൽ ആരംഭിക്കും. ആദ്യ ഘട്ടത്തിൽ ജിയോയുടെ ട്രൂ 5 ജി സേവനം ഡൽഹി, മുംബൈ, കൊല്‍ക്കത്ത, വരാണസി എന്നീ നഗരങ്ങളിലെ തിരഞ്ഞെടുത്ത ഉപഭോക്താക്കൾക്ക് മാത്രമേ ലഭ്യമാകൂ. കമ്പനി അവരിൽ നിന്ന് ഉപയോഗ അനുഭവങ്ങൾ തേടും.
തിരഞ്ഞെടുത്ത ഉപഭോക്താക്കൾക്ക് ജിയോ വെൽക്കം ഓഫർ അവതരിപ്പിച്ചു, ഈ ഉപഭോക്താക്കൾക്ക് സെക്കൻഡിൽ 1 ജിബി വേഗതയിൽ അൺലിമിറ്റഡ് ഡാറ്റ നൽകും. അവരുടെ നിലവിലുള്ള സിം മാറ്റാതെ 5 ജിയിലേക്ക് അപ്ഗ്രേഡ് ചെയ്യും. ട്രയല്‍ റണ്‍ ഘട്ടം ഘട്ടമായി കൂടുതൽ നഗരങ്ങളിലേക്ക് വ്യാപിപ്പിക്കും.
