ആരാകും കര്ണാടകയുടെ മുഖ്യമന്ത്രി?
കര്ണാടക നിയമസഭാ തെരഞ്ഞെടുപ്പില് കോണ്ഗ്രസ് വിജയം കൈവരിച്ചതോടെ മുഖ്യമന്ത്രിയെ തീരുമാനിക്കാനുള്ള ചര്ച്ചകള് ശക്തമാക്കി. കര്ണാടകയില് മുഖ്യമന്ത്രി സ്ഥാനത്തേക്കുള്ള ചര്ച്ചയില് സിദ്ധരാമയ്യക്ക് മുന്തൂക്കമെന്ന് സൂചന. ഭൂരിഭാഗം എംഎല്എമാരുടെ പിന്തുണ സിദ്ധരാമയ്യക്കെന്ന് കേന്ദ്ര നിരീക്ഷകരുടെ വിലയിരുത്തല്.കൂടുതല് ചര്ച്ചകള്ക്കായി ഡികെ ശിവകുമാറും സിദ്ധരാമയ്യയും ഡല്ഹിയിലേക്ക് പോകും.പുതിയ കര്ണാടക മുഖ്യമന്ത്രി ആരാകണമെന്ന് കോണ്ഗ്രസ് ഹൈക്കമാന്ഡ് തീരുമാനിക്കട്ടെയെന്നാണ് കോണ്ഗ്രസ് നിയമസഭാകക്ഷി യോഗത്തില് തീരുമാനമായത്. സിദ്ധരാമയ്യയും ഡികെ ശിവകുമാറുമാണ് മുഖ്യമന്ത്രി സ്ഥാനത്തിന് അവകാശവുമായി നില്ക്കുന്നത്. ഇരുവരേയും പിന്തുണയ്ക്കുന്ന അണികള് ചേരി തിരിഞ്ഞ് മുദ്രാവാക്യം വിളികളുമായി യോ?ഗം നടക്കുന്ന ബംഗളൂരുവിലെ സ്വകാര്യ ഹോട്ടലിന് മുന്നില് തടിച്ചുകൂടി.
വിഷയത്തില് മലികാര്ജുന് ഖാര്ഗെയും സോണിയ ഗാന്ധിയും ചര്ച്ച നടത്തി.ഖാര്ഗെയ്ക്കും സോണിയക്കും പുറമെ സത്യപ്രതിജ്ഞാ ചടങ്ങില് രാഹുല് ?ഗാന്ധിയും പ്രിയങ്ക ഗാന്ധിയും പങ്കെടുക്കും. സഖ്യകക്ഷികള് ഉള്പ്പെടെയുള്ള പാര്ട്ടി നേതാക്കള്ക്കും സത്യപ്രതിജ്ഞാ ചടങ്ങില് പങ്കെടുക്കാന് ക്ഷണമുണ്ട്.