ശ്രീലങ്കയ്‌ക്കെതിരെ കിവീസിന് കൂറ്റന്‍ ജയം
സിഡ്നി: ശ്രീലങ്കയ്‌ക്കെതിരെ വൻ ജയം നേടിയ ന്യൂസിലൻഡ് ടി20 ലോകകപ്പിന്‍റെ സെമി ഫൈനലിലേക്ക് ഒരു പടി കൂടി അടുത്തു. സിഡ്നി ക്രിക്കറ്റ് ഗ്രൗണ്ടിൽ നടന്ന മത്സരത്തിൽ ന്യൂസിലൻഡ് 65 റൺസിന് വിജയിച്ചു. ടോസ് നേടി ബാറ്റിംഗ് തിരഞ്ഞെടുത്ത ന്യൂസിലൻഡ് ഗ്ലെൻ ഫിലിപ്സിന്‍റെ 104 റൺസിന്റെ കരുത്തിൽ 167 റൺസെടുത്തു. മറുപടി ബാറ്റിങ്ങിനിറങ്ങിയ ശ്രീലങ്ക 19.2 ഓവറിൽ 101 റൺസിന് എല്ലാവരും പുറത്തായി.
നാല് വിക്കറ്റ് വീഴ്ത്തിയ ട്രെന്‍റ് ബോൾട്ടാണ് ശ്രീലങ്കയെ വിജയത്തിലെത്തിച്ചത്. ഈ ജയത്തോടെ കിവീസിന് മൂന്ന് മത്സരങ്ങളിൽ നിന്ന് അഞ്ച് പോയിന്‍റുണ്ട്. രണ്ട് തോൽവിയും ഒരു ജയവുമായി ശ്രീലങ്കയ്ക്ക് രണ്ട് പോയിന്‍റാണുള്ളത്. തോൽവിയോടെ ശ്രീലങ്കയുടെ സെമി ഫൈനൽ പ്രതീക്ഷകളും തുലാസിലായി.
ശ്രീലങ്ക 3.3 ഓവറിൽ നാല് വിക്കറ്റ് നഷ്ടത്തിൽ 8 റൺസെന്ന നിലയിലായിരുന്നു. പതും നിസാങ്ക (0), കുശാൽ മെൻഡിസ് (4), ധനഞ്ജയ ഡി സിൽവ (0), ചരിത് അസലങ്ക (4), ചാമിക കരുണാർനെ (3) എന്നിവരാണ് പുറത്തായത്.
