2022ൽ ഗൂഗിളില്‍ ഏറ്റവുമധികം ആളുകൾ തിരഞ്ഞ സിനിമകളുടെ പട്ടിക പുറത്ത്
വിവിധ മേഖലകളിൽ ഈ വർഷം ഉണ്ടായ മാറ്റങ്ങൾ വിലയിരുത്തേണ്ട സമയമാണിത്. സിനിമാ വ്യവസായത്തെ സംബന്ധിച്ചിടത്തോളം ഈ വർഷം പുറത്തിറങ്ങിയ സിനിമകളുടെ ജനപ്രീതിയുമായി ബന്ധപ്പെട്ട് വിവിധ ലിസ്റ്റുകൾ പുറത്ത് വന്നുകൊണ്ടിരിക്കുകയാണ്.
ഗൂഗിൾ പുറത്തുവിട്ട കണക്കുകൾ പ്രകാരം ഈ വർഷം ഏറ്റവും കൂടുതൽ സെർച്ച് ചെയ്യപ്പെട്ട ചിത്രം ‘ഥോര്‍: ലവ് ആന്‍ഡ് തണ്ടര്‍’ ആണ്. ഏറ്റവും കൂടുതൽ ആളുകൾ തിരഞ്ഞ 10 ചിത്രങ്ങളുടെ പട്ടികയിൽ രണ്ട് ഇന്ത്യൻ ചിത്രങ്ങളാണ് ഇടം പിടിച്ചത്. ബോളിവുഡ് ചിത്രം ബ്രഹ്മാസ്ത്രയും കന്നഡയില്‍ നിന്നുള്ള പാൻ ഇന്ത്യൻ ചിത്രമായ കെജിഎഫ് ചാപ്റ്റർ 2 ഉം ഗൂഗിളിന്‍റെ ആഗോള തിരയൽ പട്ടികയിൽ ഇടം നേടി.
1. ഥോര്‍: ലവ് ആന്‍ഡ് തണ്ടര്‍
2. ബ്ലാക്ക് ആദം
3. ടോപ്പ് ഗണ്‍: മാവെറിക്
4. ദ് ബാറ്റ്മാന്‍
5. എന്‍കാന്‍റോ
6. ബ്രഹ്‍മാസ്ത്ര: പാര്‍ട്ട് വണ്‍- ശിവ
7. ജുറാസിക് വേള്‍ഡ്: ഡൊമിനിയന്‍
8. കെജിഎഫ് ചാപ്റ്റര്‍ 2
9. അണ്‍ചാര്‍ട്ടഡ്
10. മോര്‍ബിയസ്
എന്നിവയാണ് ഗൂഗിളിൽ ആഗോളതലത്തിൽ ഈ വർഷം ഏറ്റവുമധികം സെർച്ച് ചെയ്യപ്പെട്ട സിനിമകൾ.
