വായ്പാ നിരക്കുകള്‍ പുതുക്കി കാനറ ബാങ്കും കരൂര്‍ വൈശ്യ ബാങ്കും
ന്യൂഡല്‍ഹി: കാനറാ ബാങ്കും കരൂർ വൈശ്യ ബാങ്കും വായ്പാ നിരക്കുകൾ പരിഷ്കരിച്ചു. പൊതുമേഖലാ സ്ഥാപനമായ കാനറാ ബാങ്ക് അടിസ്ഥാന വായ്പാ നിരക്ക് ഒരു വർഷത്തെ കാലാവധിയിൽ 7.40 ശതമാനമായി ഉയർത്തി. ആറ് മാസത്തെ എംസിഎൽആർ നിരക്ക് 7.30 ശതമാനത്തിൽ നിന്ന് 7.35 ശതമാനമായി ഉയർത്തി. അതേസമയം, ബെഞ്ച്മാർക്ക് പ്രൈം ലെൻഡിംഗ് റേറ്റ് (ബിപിഎൽആർ) 40 ബേസിസ് പോയിൻറ് ഉയർന്ന് 13.75 ശതമാനമായും അടിസ്ഥാന നിരക്ക് 8.75 ശതമാനമായും ഉയർത്തിയതായി കരൂർ വൈശ്യ ബാങ്ക് അറിയിച്ചു. നിലവിൽ, വായ്പകൾ വിതരണം ചെയ്യുന്നതിൻ ബാങ്കുകൾ റിപ്പോ ലിങ്ക്ഡ് വായ്പാ നിരക്കുകൾ പിന്തുടരുന്നു. റിസർവ് ബാങ്കിൻറെ ധനനയ അവലോകനത്തിൻ ദിവസങ്ങൾക്ക് മുമ്പാണ് നിരക്ക് വർദ്ധനവ്. റിസർവ് ബാങ്ക് ഗവർണറുടെ നേതൃത്വത്തിലുള്ള മോണിറ്ററി പോളിസി കമ്മിറ്റി (എംപിസി) പണപ്പെരുപ്പം തടയുന്നതിനായി നിരക്കുകൾ വർദ്ധിപ്പിക്കുമെന്ന് പ്രതീക്ഷിക്കുന്നു.
