എസ്യുവിയിൽ 1.75 ലക്ഷം വരെ വിലക്കുറവ് വാഗ്ദാനം ചെയ്ത് മഹീന്ദ്ര
വാഹന നിർമ്മാതാക്കൾ മോഡലുകൾക്ക് ആകർഷകമായ കിഴിവുകളും ആനുകൂല്യങ്ങളും നൽകുന്നത് തുടരുന്നു. ജനപ്രിയ എസ്യുവി ബ്രാൻഡായ മഹീന്ദ്ര ആൻഡ് മഹീന്ദ്ര ഇപ്പോൾ വിവിധ മോഡലുകൾക്ക് മികച്ച കിഴിവുകളുമായാണ് എത്തിയിരിക്കുന്നത്.
6,500 രൂപ ക്യാഷ് ഡിസ്കൗണ്ട്, 10,000 രൂപ എക്സ്ചേഞ്ച് ബോണസ്, 3,000 രൂപയുടെ കോർപ്പറേറ്റ് ഡിസ്കൗണ്ട് എന്നിവയുൾപ്പെടെ 19,500 രൂപ വരെ കിഴിവാണ് മഹീന്ദ്രയുടെ ഏറ്റവും കൂടുതൽ വിറ്റഴിക്കപ്പെടുന്ന ബൊലേറോ എസ്യുവി നിലവിൽ നൽകുന്നത്. വാങ്ങുന്നവർക്ക് 8,500 രൂപയുടെ ആക്സസറികളും ലഭിക്കും. അഞ്ച് സ്പീഡ് മാനുവൽ ട്രാൻസ്മിഷനുമായി ജോടിയാക്കിയ 75 ബിഎച്ച്പി, 1.5 എൽ ഡീസൽ എഞ്ചിൻ എന്നിവ മഹീന്ദ്ര ബൊലേറോയ്ക്ക് കരുത്തേകുന്നു
മുൻ തലമുറ മഹീന്ദ്ര സ്കോർപിയോയുടെ സ്റ്റോക്ക് വിൽക്കുകയെന്ന ലക്ഷ്യത്തോടെ, വാഹന നിർമ്മാതാക്കൾ എസ്യുവിയിൽ 1.75 ലക്ഷം രൂപ വരെ വലിയ കിഴിവ് വാഗ്ദാനം ചെയ്യുന്നു. കൂടാതെ, 20,000 രൂപയുടെ സൗജന്യ ആക്സസറികളും ഉണ്ട്. അതേസമയം, പുതിയ മഹീന്ദ്ര സ്കോർപിയോ എൻ, സ്കോർപിയോ ക്ലാസിക് എന്നിവയ്ക്ക് കിഴിവുകൾ ലഭ്യമല്ല. പഴയ തലമുറ സ്കോർപിയോയിൽ 2.2 ലിറ്റർ ഡീസൽ എഞ്ചിനും ആറ് സ്പീഡ് മാനുവൽ ഗിയർബോക്സുമുണ്ട്.
