കലോത്സവ വേദിക്കരികെ സ്ലാബിടാത്ത ഓടയിൽ വീണ് മേക്കപ്പ് ആർട്ടിസ്റ്റിന് പരിക്ക്

കോഴിക്കോട്: കോഴിക്കോട് നഗരത്തിൽ അഴുക്കുചാലിൽ വീണ് യുവാവിന് പരിക്കേറ്റു. ഇന്നലെ രാത്രിയാണ് സംഭവം നടന്നത്. കലോൽസവത്തിനെത്തിയ അമൃത ടിവി മേക്കപ്പ് ആർട്ടിസ്റ്റ് രാജുവിന് പരിക്കേറ്റു. രാജുവിന്‍റെ കൈയും കാലും ഒടിഞ്ഞിട്ടുണ്ട്. നഗരത്തിലെ സ്വകാര്യ ആശുപത്രിയിൽ നിന്ന് പ്ലാസ്റ്റർ ഇട്ട ശേഷമാണ് രാജുവിനെ ഹോട്ടൽ മുറിയിലേക്ക് മാറ്റിയത്. ജയിൽ റോഡിലെ അഴുക്കുചാലിൽ വീണാണ് അപകടമുണ്ടായത്.