പ്രധാനമന്ത്രിയുടെ ‘മന്‍ കി ബാത്ത്’ 100ാം എപ്പിസോഡ് ഇന്ന്; ഐക്യരാഷ്ട്ര സഭ ആസ്ഥാനത്തും പ്രക്ഷേപണം
ന്യൂഡല്‍ഹി: പ്രധാനമന്ത്രിയുടെ മന്‍ കി ബാത്തിന്റെ നൂറാം എപ്പിസോഡ് ഇന്ന് സംപ്രേഷണം ചെയ്യും. ഇന്ന് രാവിലെ പതിനൊന്ന് മണിക്കാണ് നൂറാം എപ്പിസോഡ് സംപ്രേഷണം ചെയ്യുക. ഐക്യരാഷ്ട്രസഭ ട്രസ്റ്റീഷിപ്പ് കൗണ്‍സില്‍ ചേമ്പറിലും മന്‍ കി ബാത്ത് പ്രക്ഷേപണം ചെയ്യും. 2014 ഒക്ടോബര്‍ 3 നാണ് ആദ്യമായി പ്രധാനമന്ത്രി നരേന്ദ്രമോദി മന്‍ കി ബാത്ത് അവതരിപ്പിച്ചത്. എല്ലാ മാസവും അവസാന ഞായറാഴ്ച സംപ്രേഷണം ചെയ്യുന്ന മന്‍ കി ബാത്ത് വിവിധ വികസന വിഷയങ്ങളും പ്രധാനമന്ത്രിയുടെ വ്യത്യസ്തമായ കാഴ്ചപ്പാടുകളും അവതരിപ്പിച്ചുകൊണ്ടുള്ള പരിപാടിയാണ്.
