ട്വന്റിഫോറിന്റെ പേരിൽ പണം തട്ടിപ്പ്; നിയമനടപടിക്കൊരുങ്ങി ചാനൽ

ട്വന്‍റിഫോറിന്‍റെ പേരിൽ വ്യാജ ഇൻസ്റ്റാഗ്രാം അക്കൗണ്ട് ഉണ്ടാക്കി പണം തട്ടിയെടുത്തു. സംഭവത്തിൽ നിയമനടപടിക്കൊരുങ്ങുകയാണ് ചാനൽ.

ട്വന്‍റിഫോർ ന്യൂസ് മലയാളം മൂവീസ് എന്ന പേരിലാണ് വ്യാജ ഇൻസ്റ്റാഗ്രാം അക്കൗണ്ട്. 29,000ത്തിലധികം ഫോളോവേഴ്സുള്ള ഈ വ്യാജ അക്കൗണ്ടിൽ 338 പോസ്റ്റുകളുണ്ട്. ട്വന്‍റിഫോറിന്‍റെ ലോഗോ ദുരുപയോഗം ചെയ്താണ് പേജ് പ്രവർത്തിക്കുന്നത്. ട്വന്‍റിഫോറിന്‍റെ യഥാർത്ഥ ഇൻസ്റ്റാഗ്രാം പേജിൽ വെരിഫൈഡ് എന്ന് സൂചിപ്പിക്കുന്ന ഒരു നീല ടിക്ക് മാർക്ക് പേരിനൊപ്പം കാണാൻ കഴിയും.

സംഭവത്തിൽ നിയമനടപടിക്കൊരുങ്ങുകയാണ് ട്വന്‍റിഫോർ ചാനൽ അധികൃതർ.