മുസ്ലിം ലീഗ് നേതാവ് വണ്ടൂർ ഹൈദരലി അന്തരിച്ചു
വണ്ടൂർ (മലപ്പുറം): മുസ്ലിം ലീഗ് സംസ്ഥാന നേതാവും എസ്.ടി.യു സംസ്ഥാന വൈസ് പ്രസിഡന്‍റും വണ്ടൂർ മുൻ പഞ്ചായത്ത് പ്രസിഡന്‍റുമായ വണ്ടൂർ കെ ഹൈദരലി (88) അന്തരിച്ചു. ശവസംസ്കാരം വ്യാഴാഴ്ച വൈകീട്ട് നാലിന് വണ്ടൂർ പള്ളിക്കുന്ന് ജുമാമസ്ജിദിൽ നടക്കും. സ്വതന്ത്ര ട്രേഡ് യൂണിയന്‍റെ (എസ്ടിയു) സ്ഥാപക നേതാവാണ് അദ്ദേഹം.
ബീഡി, സിഗാർ വെൽഫെയർ ബോർഡ്, ആർഇഡബ്ല്യുഎസ് എന്നിവയുടെ ചെയർമാനായിരുന്നു. ജില്ലയുടെ കിഴക്കൻ മേഖലയിൽ മുസ്ലിം ലീഗിന്‍റെ വളർച്ചയിൽ അദ്ദേഹം നിർണ്ണായക പങ്ക് വഹിച്ചു. ലീഗ് ജില്ലാ കമ്മിറ്റി ട്രഷറർ, എസ്.ടി.യു സംസ്ഥാന ട്രഷറർ എന്നീ പദവികളും വഹിച്ചിട്ടുണ്ട്. ഭാര്യമാർ: ഫാത്തിമ, പരേതയായ പാത്തുമ്മക്കുട്ടി.
