‘ബ്രേക്കിംഗ് ബാഡ്’ന്റെ സ്ട്രീമിങ് നെറ്റ്ഫ്ലിക്സ് അവസാനിപ്പിക്കുന്നതായി സൂചന
‘ബ്രേക്കിംഗ് ബാഡ്’ വളരെ ജനപ്രിയമായ ഒരു വെബ് സീരീസാണ്. ചലച്ചിത്ര നിർമ്മാണത്തിന്‍റെ പാഠപുസ്തകമായ ഈ വെബ് സീരീസിന് ലോകമെമ്പാടും കാഴ്ചക്കാരുണ്ട്. അമേരിക്കൻ ടിവി ചാനലായ എഎംസിയിൽ സംപ്രേഷണം ചെയ്ത ബ്രേക്കിംഗ് ബാഡിന്‍റെ ഒടിടി അവകാശം പ്രമുഖ സ്ട്രീമിംഗ് സേവനമായ നെറ്റ്ഫ്ലിക്സിന്‍റെ ഉടമസ്ഥതയിലാണ്. അവസാന എപ്പിസോഡ് 2013 ൽ പുറത്തിറങ്ങിയെങ്കിലും, വിൻസ് ഗില്ലിഗന്‍റെ ഈ വെബ് സീരീസ് നെറ്റ്ഫ്ലിക്സിൽ ഏറ്റവും കൂടുതൽ ആളുകൾ കണ്ട ഒരു സീരീസാണ്.
നിരവധി സവിശേഷതകളുള്ള ബ്രേക്കിംഗ് ബാഡിന്‍റെ സ്ട്രീമിംഗ് നെറ്റ്ഫ്ലിക്സ് അവസാനിപ്പിക്കുന്നതായി സൂചനയുണ്ട്. നിർമ്മാതാക്കളായ സോണി ടെലിവിഷനും നെറ്റ്ഫ്ലിക്സും തമ്മിലുള്ള ബ്രേക്കിംഗ് ബാഡ് കരാർ 2025 ഫെബ്രുവരി 10 ന് അവസാനിക്കും. ഇതിന് മുമ്പ് കരാർ നീട്ടാൻ ഇരു കക്ഷികളും തമ്മിൽ ഒരു കരാറും ഇല്ലെങ്കിൽ ബ്രേക്കിംഗ് ബാഡ് നെറ്റ്ഫ്ലിക്സിനോട് വിടപറയും.
അതേസമയം, സോണി ടിവിയുമായുള്ള കരാർ നെറ്റ്ഫ്ലിക്സ് നീട്ടാൻ സാധ്യതയുണ്ട്. അത്തരമൊരു ജനപ്രിയ പരമ്പര നെറ്റ്ഫ്ലിക്സ് ഉപേക്ഷിക്കാനിടയില്ല. അതേസമയം, മൂന്ന് വർഷത്തെ കരാർ അവശേഷിക്കുന്നതിനാൽ ആ സമയത്ത് പരമ്പരയുടെ ജനപ്രീതി കണക്കിലെടുത്ത് തീരുമാനമെടുക്കും.
