ആശങ്കപ്പെടുത്തുന്ന വലുപ്പത്തില്‍ പുതിയ ഓസോണ്‍ ദ്വാരം
ആഗോളതാപനത്തിന്‍റെ ആശങ്കകൾ ലോകത്തെ കീഴടക്കുന്നതിന് മുമ്പ് ഓസോൺ പാളിയിലെ വിള്ളലുകൾ പരിസ്ഥിതി ലോകത്തെ ഏറ്റവും വലിയ ചർച്ചാവിഷയമാകുന്നു. ക്ലോറോഫൂറോ കാര്‍ബണ്‍, ഹാലോന്‍ എന്നീ വാതകങ്ങളാണ് ഓസോണ്‍പാളിയിലെ വിള്ളലിന് പ്രധാന കാരണമായിരിക്കുന്നത്. ഈ വാതകങ്ങൾ ഒരുകാലത്ത് റഫ്രിജറേറ്ററുകളിലും എസികളിലും ഏറ്റവും അധികമായി ഉപയോഗിച്ചിരുന്നു. തുടര്‍ന്ന് ഈ പ്രതിസന്ധി പരിഹരിക്കുന്നതിന്‍റെ ഭാഗമായി ലോകമെമ്പാടും ഈ ഉപകരണങ്ങളില്‍ തണുപ്പിനായി പുതിയ വാതകങ്ങള്‍ ഉപയോഗിച്ചു തുടങ്ങി. 1994ൽ നടന്ന വിയന്ന ഉച്ചകോടിയിലാണ് ഈ തീരുമാനം കൈക്കൊണ്ടത്. തുടർന്നുള്ള ശ്രമങ്ങളുടെ ഫലമായി, ആശങ്കയുണ്ടാക്കിയ പല വിള്ളലുകളും അപ്രത്യക്ഷമാകാൻ തുടങ്ങി. അതിനാൽ, ഇന്നും, വിയന്ന കൺവെൻഷൻ ലോകരാജ്യങ്ങൾ തമ്മിലുള്ള വിജയകരമായ ഒരേയൊരു പാരിസ്ഥിതിക ഉടമ്പടിയായി കണക്കാക്കപ്പെടുന്നു.
എന്നാൽ വിയന്ന ഉച്ചകോടിക്ക് ശേഷം, ഓസോൺ പാളി മറ്റൊരു വിധത്തിൽ ഭീഷണി നേരിടുന്നു. ഹരിതഗൃഹ വാതകങ്ങളുടെ രൂപത്തിലായിരുന്നു അത്. ആഗോളതാപനത്തിന് കാരണമാകുന്ന ഹരിതഗൃഹ വാതകങ്ങളും ഓസോൺ പാളിക്ക് ഭീഷണിയാണെന്ന് ശാസ്ത്രജ്ഞർ തിരിച്ചറിഞ്ഞത് അൽപ്പം കഴിഞ്ഞാണ്. ഹരിതഗൃഹ വാതകങ്ങൾ കാരണം ഇതിനകം തന്നെ ഏറ്റവും ഉയർന്ന താപനില വർദ്ധനവ് നേരിടുന്ന ധ്രുവപ്രദേശങ്ങളിൽ ഓസോൺ പാളികളിൽ വിള്ളലുകൾ വീഴാൻ തുടങ്ങിയിട്ടുണ്ട്.
