നിവിന്‍ പോളി ചിത്രം ‘സാറ്റര്‍ഡേ നൈറ്റ്’ നവംബര്‍ 4ന്
കായംകുളം കൊച്ചുണ്ണിക്ക് ശേഷം നിവിൻ പോളിയും റോഷൻ ആൻഡ്രൂസും വീണ്ടും ഒന്നിക്കുന്ന ചിത്രം ‘സാറ്റർഡേ നൈറ്റ്’ നവംബർ നാലിന് തിയേറ്ററുകളിലെത്തും. നിവിൻ പോളി, അജു വർഗീസ്, സൈജു കുറുപ്പ്, സിജു വിൽസൺ, ഗ്രേസ് ആന്‍റണി എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന ‘സാറ്റർഡേ നൈറ്റ്’ ഒരു പക്കാ കോമഡി ചിത്രമാണ്.
ദുബായ്, ബെംഗളൂരു, മൈസൂർ എന്നിവിടങ്ങളിലായി ചിത്രീകരിച്ച സിനിമ അജിത്ത് വിനായക ഫിലിംസിന്‍റെ ബാനറിൽ വിനായക അജിത്താണ് നിർമ്മിക്കുന്നത്. സാനിയ ഇയ്യപ്പൻ, മാളവിക, പ്രതാപ് പോത്തൻ, ശാരി, വിജയ് മേനോൻ, അശ്വിൻ മാത്യു എന്നിവരും ചിത്രത്തിൽ അഭിനയിക്കുന്നു. നവീൻ ഭാസ്കറാണ് ചിത്രത്തിന്‍റെ തിരക്കഥ ഒരുക്കുന്നത്.
ഛായാഗ്രഹണം: അസ്ലം പുരയിൽ, എഡിറ്റിംഗ്: ടി ശിവനടേശ്വരന്‍, സംഗീതം: ജേക്സ് ബിജോയ്, പ്രൊഡക്ഷൻ ഡിസൈനർ: അനീഷ് നാടോടി, മേക്കപ്പ്: സജി കൊരട്ടി, വസ്ത്രാലങ്കാരം: സുജിത് സുധാകരൻ, കളറിസ്റ്റ്: ആശീർവാദ്, ഡിഐ: പ്രൈം ഫോക്കസ് മുംബൈ, സൗണ്ട് ഡിസൈൻ: രംഗനാഥ് രവി, ഓഡിയോഗ്രാഫി: രാജാകൃഷ്ണൻ എം.ആര്‍
