വിദ്യാർത്ഥികളുടെ പഠന മികവ് രേഖപെടുത്താൻ ‘സഹിതം’പോർട്ടൽ

തിരുവനന്തപുരം: വിദ്യാർത്ഥികളുടെ പഠന നേട്ടങ്ങൾ രേഖപ്പെടുത്താൻ മെന്റർമാരായ അധ്യാപകർക്കായി ‘സഹിതം’ പോർട്ടൽ വരുന്നു.

ഇത് സ്കൂൾ വിദ്യാർത്ഥികളെ അവരുടെ സാമൂഹിക കഴിവുകൾ, ഭാഷാ കഴിവ്, ഗണിത ശേഷി, സാമൂഹിക അവബോധം, ശാസ്ത്രീയ മനോഭാവം, പഠനത്തിലെ പുരോഗതി എന്നിവ തുടർച്ചയായി നിരീക്ഷിക്കാനും അവ ഓൺലൈനിൽ രേഖപ്പെടുത്താനും സഹായിക്കും. കുട്ടിയുടെ സാമൂഹിക ചുറ്റുപാടുകൾ നിരീക്ഷിച്ചും പഠന ബുദ്ധിമുട്ടുകൾ തിരിച്ചറിഞ്ഞും പരിഹാര നടപടികൾ ആസൂത്രണം ചെയ്യാൻ കഴിയും.

1 മുതൽ 10 വരെ ക്ലാസുകളിലെ വിദ്യാർത്ഥികൾക്കായി വിവിധ വിഷയങ്ങളിൽ പ്രൊഫൈലുകൾ തയ്യാറാക്കാം. ആർട്ടിഫിഷ്യൽ ഇൻറലിജൻസ്, ഡാറ്റാ അനലിറ്റിക്സ് എന്നിവയുടെ സാധ്യതകൾ പ്രയോജനപ്പെടുത്തി കുട്ടികളുടെ മികവും കാര്യങ്ങളും ഓൺലൈനിൽ പ്രത്യേക ശ്രദ്ധ ചെലുത്തുന്നതിനുള്ള സംവിധാനവും മാതാപിതാക്കൾക്കും അധ്യാപകർക്കും ഓൺലൈനിൽ ലഭ്യമാക്കുന്നതിനുള്ള സംവിധാനവും ഉണ്ടാകും.