പുതിയ ഇലക്ട്രിക്ക് സ്കൂട്ടറുകൾ അവതരിപ്പിച്ച് ഒകായ; വില 84000 രൂപ മുതല്‍
ഗുരുഗ്രാം ആസ്ഥാനമായുള്ള ഇലക്ട്രിക് ഇരുചക്ര വാഹന നിർമ്മാതാക്കളായ ഒകായ ഇലക്ട്രിക് രണ്ട് ഇലക്ട്രിക് സ്കൂട്ടറുകൾ കൂടി അവതരിപ്പിച്ചു. ക്ലാസ് ഇ-സ്കൂട്ടറിൽ ഏറ്റവും ഉയർന്ന ശ്രേണി വാഗ്ദാനം ചെയ്യുന്ന ഫാസ്റ്റിന്‍റെ രണ്ട് പുതിയ വേരിയന്‍റുകളാണ് ഒകായ ഇവി അവതരിപ്പിച്ചത്.
ഫാസ്റ്റ് എഫ്2ബി, എഫ്2ടി തുടങ്ങിയ പുതിയ വേരിയന്‍റുകളാണ് കമ്പനി അവതരിപ്പിച്ചിരിക്കുന്നത്. ഈ വേരിയന്‍റുകൾക്ക് യഥാക്രമം 89,999 രൂപയും 84,999 രൂപയുമാണ് വില. പുതിയ ഇ-സ്കൂട്ടറുകൾ ഉപയോഗിച്ച്, ഒകായ ഇവി ഉത്സവ സീസണിൽ വിൽപ്പന വർദ്ധിപ്പിക്കുമെന്ന് പ്രതീക്ഷിക്കുന്നു.
ഓകിയ ഫാസ്റ്റ് എഫ്2ബി, എഫ്2ടി എന്നിവ 2000 വാട്ട് മോട്ടോർ വഴി മണിക്കൂറിൽ 70 കിലോമീറ്റർ വേഗത നൽകുന്നു. എഫ്2ടി ഒറ്റ ചാർജിൽ 85 കിലോമീറ്റർ റേഞ്ച് വാഗ്ദാനം ചെയ്യുമ്പോൾ, എഫ് 2 ബി ഒറ്റ ചാർജിൽ 70 മുതൽ 80 കിലോമീറ്റർ വരെ റേഞ്ച് വാഗ്ദാനം ചെയ്യുന്നു. രണ്ട് ഇലക്ട്രിക് സ്കൂട്ടറുകൾക്കും 2.2 കിലോവാട്ട് എൽഎഫ്പി ബാറ്ററി പായ്ക്കുണ്ട്.
