ഇന്ത്യയിൽ 16,000 ലധികം പുതിയ കോവിഡ് കേസുകൾ
ന്യൂഡല്‍ഹി: കേന്ദ്ര ആരോഗ്യ മന്ത്രാലയത്തിന്‍റെ ഏറ്റവും പുതിയ കണക്കുകൾ പ്രകാരം ഇന്ത്യയിൽ ബുധനാഴ്ച 16,047 പുതിയ കൊറോണ വൈറസ് കേസുകളും 54 മരണങ്ങളും രേഖപ്പെടുത്തി.
ഇതോടെ, രാജ്യത്തെ മൊത്തം കോവിഡ് -19 കേസുകളുടെ എണ്ണം 4,41,90,697 ആയി. ആകെ 5,26,826 മരണങ്ങളും രേഖപ്പെടുത്തി.
സജീവ കേസുകൾ 24 മണിക്കൂറിനുള്ളിൽ 3,546 കുറഞ്ഞ് 1,28,261 ആയി. ഇത് മൊത്തം അണുബാധയുടെ 0.29 ശതമാനമാണ്. കോവിഡ് -19 രോഗമുക്തി നിരക്ക് 98.52 ശതമാനവും മരണനിരക്ക് 1.19 ശതമാനവുമാണെന്ന് ആരോഗ്യ മന്ത്രാലയം അറിയിച്ചു.
