2000 വർഷങ്ങൾക്ക് മുമ്പ് തന്നെ വിരുന്ന് നടത്തിയിരുന്നതിന്റെ തെളിവുകൾ കണ്ടെത്തിയതായി ഗവേഷകർ
പുരാവസ്തു ഗവേഷകർ 2000 വർഷങ്ങൾക്ക് മുമ്പ് ഭൂമിയിൽ വിരുന്ന് നടത്തിയതിന്‍റെ തെളിവുകൾ കണ്ടെത്തി. റോഡ് വികസന സ്ഥലത്താണ് ഇവ കണ്ടെത്തിയത്. മൺപാത്രങ്ങളും മൃഗങ്ങളുടെ അസ്ഥികളും ഗവേഷകർ കണ്ടെത്തിയിട്ടുണ്ട്. ബെഡ്ഫോർഡ്ഷയറിലെ ബ്ലാക്ക് ക്യാറ്റ് റൗണ്ട് എബൗട്ടിനും കേംബ്രിഡ്ജ്ഷയറിലെ കാക്സ്ടൺ ഗിബെറ്റിനും ഇടയിലുള്ള എ 428 ൽ റോഡ് വികസന പ്രവർത്തനങ്ങൾ നടന്നുവരികയായിരുന്നു.
ഭക്ഷണക്രമങ്ങളും വിരുന്ന് ശീലങ്ങളും എങ്ങനെ മാറിയെന്ന് ചൂണ്ടിക്കാണിക്കുന്ന പ്രധാന തെളിവായി ഇത് മാറുമെന്ന് ഗവേഷകർ പ്രതീക്ഷിക്കുന്നു. ഈ വർഷം ആദ്യം, റോമൻ കാലഘട്ടത്തിൽ തന്നെ ബിയർ നിർമ്മിച്ചതിന്‍റെ തെളിവുകൾ വിദഗ്ദ്ധർ കണ്ടെത്തി.
ലണ്ടൻ മ്യൂസിയം ഓഫ് ആർക്കിയോളജിയിൽ നിന്നുള്ള ഒരു സംഘം മൃഗങ്ങളുടെ അസ്ഥികൾ, മൺപാത്രങ്ങൾ, കത്തിക്കരിഞ്ഞ കല്ലുകൾ എന്നിവ ഒരു കുഴിയിൽ നിന്ന് കണ്ടെത്തി. ബി.സി. 800-നും എ.ഡി.43-നും ഇടയിൽ വലിയ തീ കത്തിച്ച് വിരുന്നിനായി ആളുകൾ തടിച്ചുകൂടുകയും ചെയ്തതായി വിശ്വസിക്കപ്പെടുന്നു.
