രൂപക്ക് വീണ്ടും റെക്കോർഡ് ഇടിവ്; ഡോളറിന് 80.05
മുംബൈ: ഡോളറുമായുള്ള വിനിമയത്തിൽ രൂപയുടെ മൂല്യം വീണ്ടും കുത്തനെ ഇടിഞ്ഞു. 13 പൈസ കുറഞ്ഞ് 80.05 ലാണ് ക്ലോസ് ചെയ്തത്. എണ്ണ ഇറക്കുമതിക്കാരിൽ നിന്ന് ഡോളറിന് വലിയ ഡിമാൻഡ് ഉണ്ടായതും ധനക്കമ്മി വർദ്ധിച്ചേക്കാമെന്ന ആശങ്കയും രൂപയ്ക്ക് തിരിച്ചടിയായി.
ഇതാദ്യമായാണ് രൂപയുടെ മൂല്യം 80.05 ൽ ക്ലോസ് ചെയ്യുന്നത്. ചൊവ്വാഴ്ച 80.05 ൽ എത്തിയ രൂപയുടെ മൂല്യം 79.92 ൽ എത്തിയിരുന്നു. ക്രൂഡ് ഓയിൽ വില ബാരലിന് 105 ഡോളറിൽ തുടരുകയാണ്. അമിത ലാഭത്തിനായി കയറ്റുമതി കമ്പനികൾക്ക് മേൽ ചുമത്തിയിരുന്ന നികുതി സർക്കാർ പിൻവലിച്ചതാണ് ധനക്കമ്മി വർദ്ധിക്കുമെന്ന ആശങ്ക ഉയർത്തിയത്. 79.91ൽ വിനിമയം തുടങ്ങിയ ശേഷമാണ് രൂപയുടെ മൂല്യം ഇടിഞ്ഞത്.
